ZAHMAWH LIMCING TE ENG PEUHMAH KEN
Agelh ~ Thangpi Naulak
Picing film (Blue film) pen sum deih luatna hangin neekzon nanga zang pawl om uh hi. Los Angeles khuapi bek ah zong picing Film bawlna ‘firm’ 200 bang om hi.Hih muna nasem pen mi 6000 bang pha hi. Limcing tak tak bel mi 1200 khawng hi ding hi. Zahmawh Industry pan kum khat a sum laklut uh pen $4 Billion phial pha sam aive. Limcing ten pen kha khat Rs 2 lakhs bang sang zo uh hi. Hi lam nasem te pen internet zangin kizuak siam mah mah laideep uh hi.
Picing film a limciing dingte mi duangcing leh meelhoih kideih se hi. Kalkawm leh nawi lam khawng mi mawk mawk sanga mite’ mit lazaw dingte teel se uh hi. A neekzonna pi uh hi mawk ahihmanin Plastic surgery khawng hahkat uh hi. Make-up artist ten limtakin puah uh ahihmanin kihoih muh hi peuh lel hi. Light tuam tuam kizat manun a vun uh a kilawmsuak hi. Tulai siamna sangta ahihmanin Camera zangin neucik zong golpi dan in kilak thei banah tawmcik zong sawtpi dan in ki suaksak thei hi. Camera tuam tuam tawh anai leh gamla pana kila hi in, tuate a kizawma hong suahsak kik uciang midangte sanga ki fit zaw dingin pawlkha in ngaihsun thei hi. A theih loh man un mi pawl khat in a zi a pasal te uh peuh hawmthawh thei mawk uh hi.
Film dangte mah banga et dinga kibawl hi in, etteh ding hi zen zen lo hi. Liimciing mah ahih lam uh mangngilh kei in. Amau gamtat dan pen a khangto mite hihdan cih zong hi khin sam lo hi. A taka zat dinga kihilhna dan hi zen zen lo a, etding bek a kibawl ahi hi. Nang sanga nuam a sa pha deuh dingin ngaihsun kha tuan sam kei in. Sum a deih luat man un nuamsa lou pi nuam sa mah mah dana limciing in ngaihsun zaw in.
Nungak pawlkhat in a et uciang sexy sa in eng thei ta zen uh hi ve aw. Eng peuhmah kei un; lupna ah guaktangin hong ki lumsak ding a, na kiimah Cameraman te hong kileh leh ding uh hi. Amau banah Boom Mike leh Light a tawi tangval nou pawl zong mit ommawh mah mah uh hi. Make-up Artist te hong ki pei sai sai laideep ding uh. Tua kawmkalah Director in nai takin hong encik lai ding hi. Camera te in hong hawlhkha phial phial zahin hong nai zen ding uh hi.Khut piah tawh “tau in” a cipawl tawh, “na khutin liah ken” a ci pawl ciau ngeingai ding hi. Na lawp kei leh limcin a siamzo lo hi mawk ding nai ve. Na lawpsaan lai tak na omdan hong laih zel ding uh hi. Nang tungtawn in amau sum tampi ngahzaw ding uh hi.
A ngeina ah pen husa kidawm hi napi hi te ah, thawm neih loh a phamawh hong hi kik zaw hi. Mihingte bek tham lo in ganhingte nangawn a kisel thei bang pen in na gamta uh hi. Amau bel leitung ngeina a kisel teng hong musak nuam uh hizaw mawk hi. Kuama muh loha nupa kal beka hih ding hi napi,amau bel a en a tam leh lawhcing kisa uh hi. Mi sila ahi mai ve ua,ta lawm lawm.
Drama dangte danin plot, dialogue, setting, suspense, treatment etc. tam lo hi. Na et tunga kipan a tawpdan ding theihsa tawh kibang lel hi. Khuakzang khollo a etziauh theh wrestling nangawn sangin thupi lo zaw hi. Hih zah a a thupi lo khat na buaipih thapaih leh mihai hi lel na hi. Hih in nou leh nou kiniam ngaihsutna leh mi hong theih khak ding launa lungsim hong guan ding hi. Bang hang hiam cih leh TV ngeina et banga ki enkhawm ngeingai hi khollo ahihmanin. A hun lo pi in hih na mitkha ah hong kilang thei lai ding hi. Mi etsim nawpna lungsim hoihlo tuam tuam hong guan thei zawmah hi. Tua ahihmanin meetna om het lo hi.En huai lo uh hi, ahih theih leh zong en dah zaw mai in, thupi kei lua!
Laibu Saal / Zomi eLibrary
