Unau Pasal Nih
Agelh ~ En Khat Thang
Hun khat lai-in, America gam khuata khat ah unau pasal nih om hi. Uzawpa in zi le ta nei-in, Innkuan kicing sim tham uh hi. A nauzawpa ahih leh tangval lai hi. Inn tuam tuakah a om uh hangin, a Nu le Pa' gamp lo khat kho khawmuh a, a ngah bangbang lang hawm uh hi.
Ni khat a nauzawpa in "kei pen khat bek hing a, ka U ahih leh a zi, a tate tawh innkuan kicing ahih teh ka U tawh a kikim in khawhsa teng ka lang hawm uh pen hithei kei, ka U in a kep, a vak ding tam, kei bel khat guak hi lel" cih hong ngaihsut kawmin zan khuamial khit teh a ma neihsa antang ip khatta a Upa buhsal ah va puak sim zel hi.
Tua leh, Uzawpa in zong thu khat ngaihsun kha in, "Kei zi le ta nei hing a, haksatna, cihmawhna khat tuak leng, hong cing, hong kem dingin ka zi, ka tate om uh, ka nau ahih leh a mah guak bek hi a, dam lohna, cih mawhna khat tuak leh a nek, a dawn ding haksa ding" cih ngaihsun kawmin zan sim mahin, a ma antang ip khat ta a nau' buhsal ah va phuak sim zel hi.
Tua bangin a om uh kum khat bang hong sawt khitteh, a nih un a buh sal uh a kiam tuan loh lam hong phawk tuak uhin lamdang sa sim tuak uh hi. Tua leh, zan khat khualmial lak ah a unau un kiphul kha citciat uh a, a thu uh hong kithei ta ahih manun, a antang ip puakte uh lei ah khiasukin, unaute itna lungdamna khitui tawh hong kikawi uh hi.
Thangho le Liando in mimtang, taangtang a phelhawm Zomite tangthu tu ni Zomite lungtang sungah i vom lai hiam? "Hawm sim nungta, nebum puk si"
Source:
http://www.inspireme.net/blog/the-two-brothers/
Hih Thute Manpha Sa Lua Ni Teh (Laibu)
Laibu Saal / Zomi eLibrary
