TV Pasal
Agelh ~ Khoi Lam Thang
Khatvei tangval khat in nungak khat kiangah na pasal deihdan koi bang a hia acih leh nungak nu’n;
"Ka pasal ding pen, a mel hoih ding, kamsiam ding, zu leh za cih te zang lo ding, nitak sim zong vak ngei lo ding, tua dan bek deih ing",
ci in dawng hi. Tangval pa in zong,
"Tua bang ahih leh na Pasal deih mihing hi lo pi, TV hi lo maw!" ci in na dawng kik ziau hi.
Khangnote in zi/pasal ding kua bang deih cih gel ciat hi hang. Numeite bangin a khangmoi lai in a pasal ding uh a pil a siam a hau mah ci napi a kum hong tam leh oeyfcg; a tat uh ciangin &wm,lrnf &wm,lrnf ci hi kici hi.
“Khangluite in niksia puansia bang a khek theih lah hilo…” ci in thupatna in na nei uh hi. Na teelkhialh leh khantawn ading a teelkhial na hi pah hi. Khelkik themthum ding hilo hi.
A nuaiate thu khat mat 7 hi a, mat 98 sung pan 65 ong mat (Pass mark) ahi hi.
Zi/pasal taktak ding-a ka it takpi ahi hiam?
Zi/pasal dinga hong it takpi mah hiam?
Ka nu leh ka pa a lungkim hiam?
A nu leh a pa a lungkim hiam?
Thuman in a muanhuai hiam?
Deihzia, duhzia a kibang hiam?
Piangthak in Pasian a it mahmah hiam?
A tunga teng “hi mah” ci a dawn ding hi a, a nuaia teng “hi lo” ci a dawn ding ahi hi.
Mi zulhzau, mi khuaval ahi ngei hiam?
Zunek, phekap a zang ngei hiam?
Zuau gen in mi a khem ngei hiam?
Sumzat a hang hiam?
Kam tungnun a tuh den hiam?
Kum leh nuntakzia a kinakkhaih lua hiam?
Thadah ban-ah a hoih a lim bek a deih hiam?
Hih teng banah upna lawpna kithakim pih (hatkhawm) hi leh deihhuai kan hi.
Source:
SIHNA IN HONG KHEN MA TENG (Laibu)
Agelh: Khoi Lam Thang
Laigelh siapa in Laibu Saal / Zomi eLibrary ading in phalna ahong piak ahi hi.
cinpuzomi@gmail.com
