TEDIM THU KIH ZAK NA LAI
MEI KHA 1924
The Tiddim Chin Hills News
Bu 5 Shimnapi 5 |
A SHUNG A OM THU TE
Tedim thu ki zak na lai
Kih zak na thu
Lai Shiangtho tang thu 8
Shivuaizhi thu
A kih pian na kum 1919.
Khalkha khua kha shim in a bawl hi.
Lai Bawl pa---------------Sang Mang pa
Kum khat a man hamu a hi hi.
Khalkha Khua Mei kha 1,1924
KIH ZAK NA THU
Shia Aung Duai in Shivuaizhi a pai zo kei hi. A kih pat dek tak ciang in a zhi a ci na pan hi, a awm shung a na hi. Shivuaizhi lai tak in a shi dek tak hang in a nung ciang in a dam kik hi.
Tu kum shivuaizhi ah Kazhian shia khat bek a shuak kei hi.
Shivuaizhi lai tak in dangka kawmte shia Lun a zhi a pia hi. Shivuaizhi zawk ciang in ama in a khua a ciah hi. Sang Phen in lam pai pih pa a hi hi.
Shia Tua Hang, Shia Thang Cin, Shia Lal Bawng, Shia Lai Lian leh Dam Shuan te in kam a phen uh hi.
Tapidaw pawlpi thak khat Shivuaizhi a tum hi. Masa Nachuang te leh Shihuangte in pawlpi khat a om hi. Tu in pawlpi nih a shuak hi.
Ni kum sang in tu kum shia nih tam zaw a pha ding hi. Khat a kha shum Khalkha Zato Mangpa a pia ding hi, khat a kha shum Tapidaw te a pia ding hi.
Mat kha ni 8 ni in Zheishu a sawl tak pa a tung ding hi, ci in Hauzahen a ci hi. A hih hang in a tung kei hi. Ama thu zhuite in a mai zhum thei hi. Hauzahen in a khual zhin tawn tung a hih ciang in a zhi-te a ta-te a zhi pa in a ciah zo hi.
Abiahang a nungta lai tak in Pashian in Tawdon khua leh Gawmazhi khua mei tawh a hal hi. Tua lai tak in Amelika-te in tua khua te a zong uh hi. Shing a vek pi a kih hal ding hi. A hih hang in bel tawh, pagan tawh, lei kang tawh a mu thei hi. Tang lai te in a bel a hih hang in a lei kang-ah a hih hang in a hausapa min tawh a kum a at thei hi. Tua a hih ciang in tua khua nih a mu thei in a kih um hi.
Zapan gam kumpipa khua zhin liing tawh kih shiat ciang in mihing 30,000 bang khua pua tai zo lo in khua lai zang ah huang khat shung-ah ki khawm uh hi. A hih hang in a kimkawt in-te mei a kang ciang-in tua mihing khempeuh te a shi khin uh hi, khat bek a shuakta kei hi. Tua a hih ciang in Zapan-te a shi te vut leh lei kang a hel uh a amau bia-na mi lim a lian mah mah a bawl ding hi.
LAI SHIANGTHO TANG THU 8
Zawtah
Kha lui pan a ki belap hi.
Zawtah a gen khawl bang in Eguthu gam bek hi lo leitung khempeuh ah kialpi a tung ding hi. Tua a hih ciang in Zakoh in Eguthu gam ah vaimim om a theih ciang in a ta pa-te an lei ding in a sawl hi. A hih hang in a ta neu pen Benzamin a sawl kei hi. Tua a hih ciang in unau sawm-te in Eguthu gam Zawtah kiangah a tung uh hi. Zawtah in a ute a thei hang in amau-te in Zawtah a thei kei uh hi. Tua a hih ciang in Zawtah in heh na thu tawh a gen mawk hi: ‘Note in gam et shim ding in ka gal te bang in hong pai na hi uh hi,’ a ci hi. a maute in; ‘Hi lo hi,Topa aw na shila –te in an lei ding in hong pai ka hi uh hi,’ a ci uh hi. A hih hang in Zawtah in a u te nak pi a tai hi. ‘Nau na nei uh hiam’, ci in a dot ciang in: ‘Ka nau khat a pa kiang ah ka nu shia uh hi. Ama u khat a mang zo hi. Tua a hih ciang in ka pa a ta no pen a shi leh ka pa uh a shi ding hi,’ a ci uh hi. Zawtah in: ‘Na nau hong pai pih un. Na hih kei uh leh ka gal te na hi ka thei ding hi. Note khat ka hen ding hi. A dang na ciah meeng meeng a na nau pa hong pai pih un. Na hong pai pih kei uh leh ka maitang na mu nawn kei ding hi,’ a cih ciang in Shimon a min nei thong shung ah a kia hi.
Unau kua-te a ciah laitak in ni a tum ciang in a ip shungah a et uh ciang in a vaimim dangka a mu ciat uh hi. Bang ding hiam ih cih leh Zawtah in a pia kik hi. A maute a lau mah mah a a pa kiang ah a ciah uh hi. A hih hang in an a beih ciang-in Zakoh in: ‘Eguthu gam ah an lei ding in pai un,’ ci in a ta-te a sawl hi. Zhudah in: ‘Ka nau Benzamin a pai zo kei leh ko pai na a mawk nah ding hi. Na nau hong pai kei leh ka mai tang nong mu nawn kei ding hi, ci in Eguthu Topa hong ci hi,’ a ci hi. Zakoh in: ‘Benzamin ka sawl kei ding hi. A u Zawtah a shi zo hi. Benzamin a shi leh kei zong ka shi zo ding hi,’ a ci hi. A hih hang in Zhudah in; ‘Ka pa kei ma in Bezamin ka kem ding hi,’ a cih ciang in Zakoh a mang hi. A hih hang in Zawtah kiang ah lung dam na piak nah ding in a pai pih uh hi. A kih piak kik na dangka zong a pua uh hi.
Amaute a tun uh ciang in Zawtah in Benzamin mu a a lung a dam hi. A an huan pa kiang ah: ‘An tampi huan in. Hih zhin te in kei ma kiangah an a ne ding hi,’ ci in thu a pia hi. Zawtah kiang ah an a ne ding hi, a u te a theih ciang un a lau mah mah a in uk pa kiang ah pai uh a: ‘Topa kote in vaimim dangka ka guhta kei hi, kote ip shung-ah ka mu mawk hi,’ a ci uh hi. A hih hang in in uk pa in: ‘Ka thei kei hi. note dangka kei ma kiang ah a om lai hi. Hih hih na in Pashian hih-na a hi in ka um hi,’ a ci kik hi.
An a ne uh lai tak in Zawtah in a u te an tampi a pia hi a hih hang in Benzamin kiang ah nga vei tam zaw a pia hi. A u te in a pa a khak sa lung dam na a pia uh hi. An a ne khit uh ciang in Zawtah in a na sem te kiang-ah: ‘Hih zhin te ip shungah vaimim man na koih kik tham loh in a neu pen ip shung-ah ka ngun hai kawih in,’ thu a pia hi. A maute a pai zawk nai khat a cin ciang in Zawtah in a pawlik pa kiangah: ‘Del meeng meeng in la tua zhin-te ip shung-ah ka hai na zong in,’ a ci bang mah in pawlik pa del a Zawtah u-te kiangah a tun ciang in: ‘Bang hang in Topa hai guhta na hi uh hiam’, a cih ciangin: ‘Ko guhta te ka hi kei uh hi. Topa a hai ko kiangah na mu leh a kheempeuh-te in Topa sal ka kai ding uh hi,’ a ci uh hi. Tua a hih ciang in a lian pen pan a kihpan a no pen dong in a ip shung-ah hai a zong a Benzamin ip shung-ah a mu hi. Tuah ciang-in unau te in tha khat in Zawtah kiang-ah a pai kik uh hi.
Zhudah in: ‘Ka Topa Benzamin ip shung-ah na hai kih mu zo hi. Tua a hih ciang in ko te kheempeuh-te in nang ma sal ka kai ding uh hi,’ a cih ciang-in Zawtah in: ‘Hai a la pa bek ka zhuat ding hi, a dang note na ciah ding hi,’ a ci hi. A hih hang in Zhudah in: ‘Topa, Benzamin in ko kiang-ah a ciah kei leh ka pa a shi in ka um hi. Ka pa maitang ka et ngam kei hi,’ a ci hi.
Tuah ciang in Zawtah in Eguthu mi kheempeuh a pai khia sak ciang in a u te kiang-ah ama kih lang sak hi. ‘Na nau Zawtah ka hi hi. Ka pa a ci dam lai hiam,’ ci in a gen hi. A hih hang in a u te a lau mah mah uh a bang mah a gen ngam kei hi. Zawtah in: ‘Lau kei un. Note in keima tungah na khial na thu in Pashian thu a hil hi. Note na nuntak na ka gum nah ding in Pashian in kei a mai ah hong sawl zo hi. Kialpi in kum nih bek a tung zo hi, kum nga a tung lai ding hi. Note pai un la na pa na zhi te na ta-te na in kuan pi-te hong pai pih un. Kei ma in note ka keem ding hi,’ a ci hi.
Zawtah a u-te a tung zo hi ci in kumpipa a theih ciang in a lung dam mah mah hi. ‘Tu in leeng tawh, bawng tawh, an tawh la un la na in kuan pih kheempeuh te hong pai pih un. Om na mun a pha kong pia ding hi,’ a ci hi. Tua a hih ciang in Zawtah a u-te lungdam in a khua a ciah uh hi. ‘Zawtah anungta lai hi,’ ci in a pa kiang ah a gen uh ciang in a lung mang a a um kei hi. A hih hang in thu kheempeuh a hil ciang in: ‘Tho in Zawtah kiangah pai ni,’ a ci hi. Tuah ciang in Zakoh leh a beh te sawm sagih leeng tungah to uh a Eguthu gam a tung uh hi. Kumpipa in Gawsen a kih ci om na a pia hi. Zakoh in kumpipa kiang-ah tung a ama tungah thu pha a pia hi.
Kum shim in Eguthu gam ah an a hak sa seem seem a mihing a dangka a bei hi. Tua a hih ciang in Zawtah in: ‘Na gan hing kong lei ding hi,’ a ci hi. A hih hang in ganhing tawh a lei an a beih ciang in an a ngen kik hi. Zawtah in: ‘Na lo, na pum kong lei ding hi,’ a ci hi. Tua a hih ciang in Zawtah in Eguthu gam shung lo kheempeuh lei a mihing te zong a lei hi. Tua a hih ciang in lo nei kua mah a om kei hi. Tua lai tak in Zawtah in: ‘Tu in an pawi nah ding khai ci kong pia ding hi. A hih hang in an na lah ciang in se nga shung pan se khat kumpipa na pia un,’ a ci hi. Tua a hih ciang in Eguthu gam shungah lo sap man ngei na a kihpan hi.
Zakoh a pian zawk kum zah leh kum sawm li leh kum nga a phah ciang in a shi hi. A hih hang in a sih ma in a ta te sam a: Ka pu Abiahang leh ka pa Izet han shung ah ka luang na vui un, Eguthu gam ah vui kei un ci in thu a pia hi. Tua a hih ciang in a shi khit ciang in Zawtah leh leh a u khempeuh te in Kanan gam ciah uh a a pa luang Abiahang han shung ah a vui uh hi.
A nung ciang in Zawtah kum za leh kum sawm a phah ciang in a shi hi. A nung ciang in Pashian in no hong hehpih a Eguthu gam pan in hong pai khia sak a na pu na pa te gam ah ong tung sak kik ding hi. Tua a hih ciang in na ciah ciang un keima luang na pua un, ci in a beh te kiang ah thu a pia hi.
SHIVUAIZHI THU
Mat kha ni 6,7,8 ni in Khamtung Tapidaw shivuaizhi in Teizang khua a tung hi. Tapidaw za nga bang a kih khawm in kih um hang in zah nih leh sawm sagih bek a om hi. A dang kim khat ci na a kim khat a man kei hi. Shizang pawlpi te shim lo in Zanzalu te a tam pen a shuak uh hi.
Ni 6 ni tak ciang in Teizang upa Lam Shuan in kih tung na lung dam na thu a hil hi. A hil khit ciang in Sang Mangpa in tu kum shivuaizhi a genteh hi. Masa ah Zato Mangpa leh Mangnu a om hi, tu in a om kei hi. Masa ah Kazhian shia tam a om hi, tu ni tak khat bek a om kei hi. Masa ah Hualngo leh Lushei Tapidaw a om kei hi, tu in tampi a om hi. Masa ah Zahau mi kua mah Tapidaw a shuak na kei hi, tu in Zahau Tapidaw tampi a om hi. Masa ah Zo labu khat a om hi, tu in li bang ki bawl zo hi. Masa zo lai Shiangtho tawm bek a om hi, tu in a tam zaw kih at zo hi. Masa ah Tapidaw za nih bek pha hi, tu in tul khat val a pha zo hi. Masa ah kum shim in mihing tawm bek tui shung kih phum hi, tu in kum shim in mihing zah nih val kih phum hi, a ci hi.
Ni 7 ni zhing ciang in Luangel pa Kai Shuan in Pashian thu hil a mihing khempeuh a awi bang in thu hil a hih hang in thu ngen a hih hang in a bawl hi.
Nai 11 ciang in Tapidaw te in shivuaizhi uk pa shia Vial Nang uk pa a laih pa shia Za Khup, lai at pa shia Lian Zam, dangka kempa sang mang pa a kawih uh hi. Shia Vial Nang a uk pa a shuak ciang in dangka kempa thu kih zak na a shim hi Dangka kem pa sang mangpa in hih bang in a za sak hi:
Eipi kha, 1, 1924 a val teng----------141 10 0
Amelikan Tapidaw hong piak na----867 0 0
Shivuaizhi hong piak na -------------1366 14 0
Pilung Shivuaizhi hong piakna-----250 0 0
Kazhian te hong piak na -----------254 4 0
A ngah sa khempeuh----------------2888 4 9
Vang Tual------------------------------------------------165 0 0
Tua Hang ------------------------------------------------139 0 0
Lian Zam ------------------------------------------------220 0 0
Thang Cin ----------------------------------------------230 8 0
Lal Bawng ----------------------------------------------150 0 0
San Tun--------------------------------------------------480 0 0
Thuam Hang ------------------------------------------220 0 0
Shia Kaw ----------------------------------------------- 60 0 0
Sang Ling ----------------------------------------------200 0 0
Sang Phen ---------------------------------------------178 0 0
Shia Lun ------------------------------------------------364 4 0
Leitawi---------------------------------------------------15 0 0
Lai Shiangtho shim ding----------------------------80 0 0
Pilung shivuaizhi ------------------------------------200 0 0
Kawl Lai Shiangthi sang in -----------------------90 0 0
Kazhian Lai Shiangtho sang in-------------------25 0 0
Kawl numei sang in ---------------------------------20 0 0
Kazhian numei sang in -----------------------------25 0 0
Bil ngong sang in-------------------------------------25 0 0
Taga sang in -----------------------------------------25 0 0
A zak sa khempeuh -------------------------------2906 12 0
Leiba ------------------------------------------------------------------------ 17 7 3
A hih hang in shia Lun a kha shum khempeuh Kazhian Tapidaw kiang ah ka ngah nai kei hi. Tua a hih ciang in leiba tak tak a om kei hi, a val a om hi, a ci hi.
Tua lai tak in shivuaizhi upa te in amau kih zak na a shim hi. Amau thu khempeuh hih lai shung ah at ding a kih lawm kei hi. A thu lian pen a kih at hi. Autoba kha ni 6 leh ni 7 ni ah Upa te Lumbang khua a kih khawm uh a thu a vaihawm uh hi. A vaihawm na thu a kip nahding in note kiang ah ka gen kei ding hi. Na thu kih kum kei uh leh a kip zo kei ding hi. Ning kum shivuaizhi ah note in shia pawl thum na kawih hi. Pawl nih a min a kawih zo hi. A hih hang in pawl khat na kawih kei hi. Hih pawl, khua upa te a min tuni note kiang ah ka gen hi. A pha na sa leh na kawih ding hi. Tong Cin khua Hau Gin, Khan Sau khua, Vum Tual, Luang El khua Kai Shuan, Mualpi khua Hang Cin, Khuasak khua Pau Shuan, Teizang Khua Lam Shuan,, Bual Khua Sawng Kham, Tawngpila khua Lei Mung, lumbang khua Za Bik, Hong Nai khua En Kam leh Tun En, Phung Mual khua Lian Cung, Sihang khua Tial Mun, Khup Leeng khua Nun Mun, Kawl Zang khua Kim Mung, Za Shial khua Lian lut Lo.
Shia te in gam lapi a khual zhin ciang in an a haksa a hih ciang in kuli cial ding in man ih piak leh a pha hi. Tu kum shumpi pan in dangka 250 bang kuli piak ding in ih kawih leh a pha hi.
Tapidaw kim khat te in zhu a ne lo hang in a Lawki lawm te zhu a pia hi. Tua bang a piak na a man kei hi. Pawlpi te in zhu piak te a hawl khiat leh a pha hi.
Thu hil shia te a nasep na thu a hi leh ni kum sang in a maute a khual zhin zaw uh hi. Khalkha gam khang lam thei ding a haksa mi pawl shim lo khamtung mihing khempeuh te in tu kum Pashian thu a tawm pen in khat vei bang in a za uh hi. Shiate a khual haw na hi in:
Tua Hang ni 132
Thuam Hang ni 120
Lien Zam ni 160
Vang Tual ni 130
Lal Bawng ni 160
Sang Fen ni 40
Sang Ling ni 125
San Tun thei lo
Thang Cin ni 100
A khempeuh ni 967
Sang Phen in Zo lai a hil a hih ciang in tampi a khua zhin man kei hi. San Tun a khua a ciah ma in a khual zhin na thu hong gen kei hi.
Shivuaizhi ma in Upa te kih khawm uh a thu nih a vaihawm uh hi. Khat in lenggah tui leh an lum piak na thu a hi hi. Tu lai tak in tui phum shia tawm bek a om hi. Tua a hih ciang in a gam la pen Tapidaw te an lum leh leng gah tui a ngeina bang in a ne zo lo hi. Tua a hih ciang in shia thum, Thang Cin, Lal Bawng, leh Vang Tual te in leng gah tui leh an lum piak nah ding in thu ih pia leh a pha hi.
A dang thu in mopi na thu a hi hi. Tu lai tak in zhi kih nei na a haksa mah mah hi. Tua a hih ciang in Lushei ngei na bang in ih kih teng leh a bai zaw ding hi. Nu pa kih teng ciang in Zo ngeina bang in ki ciam na a bawl ding hi. Tui phum shia pa kiang ah kih teng ding hi. A nung ciang in khat a khial leh pawlpi upa te in a khen ding a a khial mi a hawl khia ding hi. A khial lo mi in kum khat a ngak khit ciang in mi dang tawh a kih teng thei ding hi.
Tua lai tak in shia Shuang kokam in thu a hil hi. Ama thu hil na in Kam Sangpa Zakhazhih mang mu na thu a hih hi.
Ni tak nai thum Tapidaw te a kih khawp khit ciang in pawlpi te in amau thu kih zakna a shim uh hi. A kih shim na in a nuai ah kih at hi:
Pawlpi | Tapidaw | Shia te | Tapidaw | Tui ki phumte | Shumpi |
Dal luang | 29 | 1 | 7 | 1 | 48 0 0 |
Hong Nai | 107 | 2 | 7 | 1 | 111 10 0 |
Khalkha | 80 | 5 | 17 | 3 | 167 8 9 |
Khuasak | 204 | 2 | -- | 23 | 214 14 9 |
Lumbang | 107 | -- | -- | 30 | 84 3 6 |
Nachang | 81 | 4 | 1 | 11 | 39 15 6 |
Shihuang | 62 | 4 | 1 | 33 | 57 2 3 |
Tedim | 120 | -- | 7 | 23 | 131 5 9 |
Teizang | 29 | -- | 1 | 1 | 66 4 0 |
Tawngpila | 79 | 4 | -- | 7 | 192 4 7 |
Phalam | 1301 | -- | -- | 30 | 31 5 3 |
Manzalu | 230 | 4 | -- | 24 | 288 9 3
|
Khempeuh | 1258 | 24 | 36 | 189 | 1433 1 8 |
Tua a hih ciang in ni kum sang in Tapidaw 92 tam zaw a om hi, tui shung kih phum te 23 tawm zaw a pha hi, shumpi in dangka 91 a khang hi. A hih hang in Tapidaw te leh tui kih phum te shia te a at ciang in a at khial in kih um hi. A gen sa sang in tam zaw pha in kih um hi. A tawp te a tawm a tam zaw hi, a shi te a tawm a a tawm zaw hi.
Ni tak nai 7 ciang in En Tual in thu a hil hi. Ama in Zheshu hong pai kik na thu a gen hi. Nai 11 cang in Tapidaw te in Upa te a vaihawm na thu a vaihawm kik uh hi. A masa pen in shia Lal Bawng, sia Thang Cin leh shia Vang Tual te an lum leh leng ga tui piak nahding in a kawi uh hi. Sang Mangpa in tua shia te a nasep na thu tawm a hil hi. A ki beh lap ding hi.
Laibu Saal / Zomi eLibrary
