TEDIM THU KIH ZAK NA LAI
AWGU KHA 1925
The Tiddim Chin Hills News
Bu 6 Nambat 8 |
A SUNG A OM THU TE
Tedim thu kih zak na lai
Leitung gamtatna thu
Khamtung gam simtona thu
Ni pi ni sin nahding thu
TEDIM THU KIH ZAK NA LAI
A kih pian n kum 1919.
Kham sim in Khalkha khua ah kih bawl hi.
Lai bawl pa-------------------------------------Sang Mang pa
Kum khat ah man hamu ah hi hi. Khalkha khua Awgu kha ni 1, 1925.
LEITUNG GAMTAT NA THU
Phalam uk sung ah kum 1924 sung ah nau suak 1356 pha hi. Mi si khempeuh 733 pha hi. Tua ahih ciang in ah siza sang in suasa in 600 dektak pha in.
Phalam uk sung leh Khalkha uk sungah naupang te in Zo lai ah sin nuam hi. Khua kim khatah 30 ah cing zo a adang naupang ah sin zo kei hi. Khua hausa te in naupang dang naupang sam a lai ah sin sak hi.
Piancit leh Sapeinte in Apihka gam sung amau ah ukna gam sung ah gimna ah ngah uh hi. Sapeinte in amau gam ah uk zo kei hi. Tu Piancit te in zong amau gam uk lai dingin nakpi in gal ah do hi. Tua ah ukna gam sung ah Musalman te ah om hi. Leitung Musalman te khempeuh in amau gam kih uk nuam hi.
Tu kum India gam Madazi khua lamah huih khat vei nakpi ah nung a khua leh lam leh inn tampi ah siah sak hi. Madazi khua tak tak ah tung kei hi. Ah tung leh gimna tampi ah piang ding hi.
Zun kha Khalkha Vuntawk Mangpa le Zato Babu khat in Khalkha kam kih suah hi. Khalkha Mangpa in kam 6 bang ah siam zo hi.
Mei kha sia Aung Duai, sia Ngai Ling leh Sang Mangpate in Khalkha khua sivuaizi thu ah vaihawm uh hi. Hih thu ah ciamteh uh hi.
1.Sum bang zah ah ki ngah dng hiam ah kih thei nai kei hi. Tua ahih ciang in tu kum siate ah kha sum ah khang zo kei ding hi. Tua tham lo in amau in kuli man ah ngah zo kei ding hi. Autoba kha ah sivuaizi upate ah kih khawp khit ciang in sum ah om leh kha sum khang a kuli man ah ngah ding hi.
2. Zahuat leh Sang Lungte in khasum tam zaw ngah ding ah kih tuak hi. Anung ciang in sum ah om leh ah kih pia ding hi.
Tu kum Sang Mang Pa leh Sang Mangnu thak hong pai ding hi. Mang Kang kam in ah min Strait ah hi hi. Zo kam ah hi le Street ah hi hi. Tuate in Amelika mi hi a ahih hang in amau thu dang kih thei nai kei hi. Cik ciang hong tung ding hiam, kih 1hein ai kei hi. Amau in Khalkha khua ah om ding hi. Kam ah siam khit ciang in Sang Mangpa leh Mangnute te in ah khua ah ciah ding a kum khat khit ciang in Tedim khua ah om ding hi.
Mihing Khempeuh in Mawna Ah Nei Hi
Mihing khempeuh in mawh nei lo a siangtho nuam ciat hi. Bang hang hiam ih ci leh mawh nei lo, siangthona in Topa Zeisu hangah hing tawntung nawp sakna, Pasian bawlsa vantung inn nuam a man ngahna phual tung theihna hi. Ahih hang in: Kei ka mawh kei hi, cina om lo hi. Mihing khempeuh in mawhna nei ahih ciang in mawh phel ih deih mah siang hi. Ei ut bang in siangthona ih ngah zo kei ding hi.
Bang mawhna nei ih hi hiam. Lung sim sung ah ah om mawhna in, leitung ah gimna khempeuh ah pianna ah bulpi ah hi hi. A hih hang in tua mawhna lung ngai a ah thei tam lo hi. Mawhna khempeuh ah tawpna in, mei kuang sung ah hi hi. Tua ahih ciang in mawh nei kei ing, ih ci ding eite tam(tham) lo in tang laiah Pasian in, ama mihing ding a lai ah tel mi nam lian Itazila mi pawlte ah cina Salan Lai Siangtho sung ah tel khia a Pawlu in ah at in: Mi pha khat beek om lo hi. Thu thei om lo, Pasian zong om lo amihing khempeuh in lam ah khial khin hi. Na ah kih mang lo. Ah pha ah gamta khat beek om lo hi, ci in ah at hi. Tua ahih ciang in in mawh kah nei kei hi, ci leh eimah pum kheem ih hi, ci in Zawhang in ah gelh hi. Lung sim sung ah zong mawhna om hi. Zeisu in hih thu ah gen hi: Mi sum guh ken, ah cina tham lo in mi sum deih gawh ken kah ci hi. Mi zi tawh mawh ken ah ci tham lo in lung sim nei a mi zi ah ente tua numei tawh ah mawh zo hi, ci in kah gen hi, ah ci hi. Tua tham lo in mi hehpi lohna zong mawhna ah hi hi. Bang hang hiam ci in gen leng mi ci na, lung kham ah dah te ah zawngte, thong kiate thu don lo na, ah hi hi. Ni tawp ni ciang in kumpipa in: Kah gil kial an nong piak lo. Kah dang tak a, ka don ding tui nong piak lo. Zin kah hih lai a nong vak lo. Puan ka sil lo a nong silh lo. Ka ci nat lai ahih zong, thong kah kiat lai ahih zong nong veh, nong nep loh uh ah ci ding a tuate in mawh sakna ah thuak tawn tung ding hi.
Hehna, mi gensiatna, mi khasiat nang ah gamtatna zong mawhna lian mah ah hi hi. U leh nau mudah te in mi that ah hi hi. Mi that peuh mah te tung ah hing tawntung na kipia lo ding hi, no nah thei zo hi, ci in Zawhang ah ci hi. Tua bang ahih ciang in leitung nuntak lai ahih zong sih khit ciang ading ahih zong, mawh sakna dan ih thuak lo nahding in mawh phelna ih deih pen ding hi. Tua ahih ciang in mawhna kih sik a lung sim nuam khat a lung sim lui nusia a lung sim a thak tawh mawhna hong phel sak nahding thu ngen a thum ding hi. Mawh phel na deih in thu pha deih hi.
Mi kim khat in mawhna pan suakta a ah siangtho lung damna ahih zong kih it na leh kih lemna tawh nungta ding in mawh phelna ah deih hi. Tua bang deih na in ah hawih pha pen hi. Mawsi in ama mi pawl ta ding in thu ah nget na in: Eguthu gam pan paikhiat ni ah kihpan tu ni dong in hih mi pawlte mawhna na phel ngei bang nong hehpihna ah lian zah mah bang in tu in zong hong phel sak in, thu kong ngen hi, ci in thu ah ngen hi. Tua tham lo in kumpipa a lian bel Davuih in: Kah kih niam khiat kah lung gimna hong en in, kah mawhna hong phel sak in, Topa aw, ci in thu ah ngen hi. Tua mah bang in lung niam sak in ih thu ngen ding hi.
Pumpi ahih zong in lung sim ahih zong in thu hilh a Pasian min phat ding ah hi hi. Kah lung sim aw, Topa Pasian thu pha pia in, hong hehpih na mang ngil kei in. Nah mawhna khempeuh hong phel sak a na ci natna khempeuh hong dam sak ci in Davuih in thu ah ngen bang in ih ngaihsun ding hi. Tua bang ah um a lung sim niam khiat a thu ih nget leh ih ngah ding hi.
A mawh nei ah kih sikte kiangah Topa Zeisu in: Nah mawhna kih phel zo hi. Nah upna in nang hong gum hi. Nuam tak in pai in, ah ci hi. Tua ahih ciang in kih sik leeng um leeng mawhna ah kih phel ding hi. A hih hang in a mawhna kih sik lo te mawh kih phel ding hi, ci a upna, lawpna om lo hi. Lungsim khel ding a mi dang mawhna phel sak ding zong lung sim ah kawih ding hi. Mi mawhna nah phel kei leh nang mawh na pa in ah hong phel kei ding hi, Zeisu in ah gen hi. Mawh phel na ih ngah khit ciang in bang dan in ih gamta ding hiam. Pawlu in Kawlawte pawlpite ah hong han thawnna in eite ading zong hi. Ah han thawn na in: Note Pasian tel mi siangtho ah it huai bang in kih hehpih kih ngaina thu pha bawlna lung sim khiatna lung nemsa lung duaina puan bang in sil un. Khat leh khat kih mawh sak na om ciang in lung duai un la mawhna kih phel sak un. Khazih in no mawhna hong phel sak mah bang in nah kih phel un. Kih cing na a pawl ah kih ci kih itna nah sil thuah un. Nah lung sim uh Khazih a kih lemna in hong uk ta hen. Tua bang ah deih manin pum khat sung pan no hongsam ahih ciang in thu pha ngaihsut a lung sim nei ta un, ah ci hi.
Hih lai ah sim u leh maute kiangah kah pumpi kong pai ah hi kei zong in Topa Zeisu min tawh hih za kong gelh hi. Lung duai tak in nah sim un.
Tun En.
KHAMTUNG GAM SIMTONA THU
Thang galkap te in Tonzang khua ah sim lai tak in Khalkha gal kap te in zong gal ah do uh hi. Tua gal kap te in Khalkha khua ah tun ciang in, a sawt veipi ah tam zo kei ding hi, ci in Khalkha hausapa te ah um mawk hi. Ah an ah bei khit ciang in ah ciah suk ding hi, ah ci uh hi. Ahih hang in lam siala an hong pua to ahih ciang in hausate ah lung mang hi. Khat vei vei Khalkha khua sim ding in hausate kih khawm a a vaihawm uh hi. Ahih hang in amau in zong apha takpi ah kih lem lo ahih ciang in ah sim zo kei hi. Phalam khua vai khat a: Hong hong tan, ah ci uh hang in Phalam hausa hong pai ngam kei hi.
Ahih hangin khua khat mihingte in kumpinu tawh ah kih lem nuam kei hi. Khalkha khua pan in tai 21 bang ah gamla Sakta khua ah om hi. Tua khua pi te a lung khauh mahmah a: ‘Kah lut kei ding hi,’ ah ci hi. Ahih hang in tua khua tangval te ah kih pha sak ahih ciangin lam pang a Khalkha Mangte in Sakta khua sim ning ci in gal kap 135 kuan a Sakta khuaa ah pai uh hi. Sakta khua pan tai nih bang kih hal ah tua uh ciangin lam pang pawlte a kap uh hi. Galkapte in khua ah tun ciang in ah delh hi. Ahih hang in kan ah sang lua a Sakta mite in nakpi ah kap man in khua sung ah lut zo kei hi. A delh uh lai tak in khuapite in gal kap mangpa khat ah that hi.
Gal kap mang pa in Khalkha khua pan in gal kap dang sam ing, ci in ah lung ngai lai tak in Sakta hausa te in: Kih lem ni, ci in ah vaikhak uh hi. Mangpa ah kih lem nuam lo, khua ah sim nuam zaw hang in thau leh sia tawh ah lut sak hi. Amau ah kih lem khit ciang in gal kap te in Khalkha khua ah ciah hi.
Sakta khua pan in tai 30 kih gamla Surkhua ah om hi. Tu in galkapte in tua khua ah sim hi. Ahih hang in lampi ah lam pang tampi ah om ah theih ciang in Bawinu gun kan tan a lam dang panin khua ah sim hi. Bawinu gun gal lam panin cingpi tawh khua ah kap ciang in hausa te kihta a ah lut hi. Amau sal zong ah kha kik uh hi.
Tua lai tak in lam sial pawlte in Khalkha khua leh Phalam khua kih kal lampi ah sial hi. Phalam hausate leh Khalkha hausate in pha tak pi kumpinu tawh ah kih lem zo hi.
A kih beh lap ding hi.
Tapidaw in Haucinkhup kiangah Sa Piak Nahding Phalam Mangpipa ah Piakna Thu Phalam Khua, Meikha 17, 1925.
Masa ah kih tuhna thu gelh kik ding in thu ah um in kah um kei hi. A tawntung Haucinkhup leh Tapidaw te ah kih lem zo kei hi. Tua thu sung panin ah nih mah in ah khial in kah um hi. Ahih hang in hih thu ah man in kah um hi.
Mihing te in Tapidaw a suak ciang in saliang kim khat piak lo ciangin Haucinkhup ah lung dam kei hi.
Hih saliang tang ding Tapidawte in na dang ah piak leh kih lawm hi. Hih thu in Tapidawte in zong ah ci hi. Tua bang ah pia lo leh Haucinkhup leh Tapidaw te ah kih lem zo kei hi.
Hih thu khempeuh Sang Mang pa leh Haucinkhup leh Tapidawte tawh kah vaihawm zo hi. Tua ahih ciang in hih thu kah pia hi:
Dawi bia nah ding ah hih kei leh Tapidaw khempeuh te in sahang leh sia ah pia ding hi. Dawi sep nah ding in bangmah ah pia kei ding hi. Taang sen, taang an, khua liu, sial ki liang man, ngasa liang ah pia ding hi.
Innsa liang leh dawi biak nahding sia tang ding in Tapidawte in kum simin sa ah go masa pen ah liang ah pia ding hi. Thu gentehna: Vawk khat a go leh liang khatah pia ding hi. Vok nih ah go leh vok khat ah liang a pia ding hi. Vok nih leh sial khat ah go leh vok khat ah liang leh sial ah liang ah pia ding hi. Vok thum tawh sial nih tawh keel li tawh ah go le vok khat ah liang, sial khat a liang tawh, keel khat ah liang tawh ah pia ding hi. Shivuazi ah tapidaw te in ah gawhsa saliang ah pia ding hi.
Tapidaw te in kum simin ah ganhing ah gawh masa pen dak sap ah pia ding hi.
Tozang khua leh Tuitum khua leh Tungtuang khua sung ah sang inn leh sia inn ah lam zo kei ding hi.
Kamhau uk sung khua dangah Mangpi pa in thu ah pia leh sang inn leh siate inn ah lam thei hi.
Haucinkhup in sang inn mun sap man peek 3 kum simin ah ngah thei ding hi.
Khua khat ah Tapidawte in sang inn ah lam nuam leh lai sung ah Tedim Topa kiang ah thu an ngen ding hi. Tua Topa in tua khua pai a nialna thu vekpi ah ngai ding hi. Haucinkhup leh khua hausa leh upate kiangah sang inn mun gi ah bawl ding hi. Tua khit ciang in Mangpipa kiang ah ama ngaihsutna lai ah khak ding hi.
Tuimui khua, Losau khua, Tong Cin khua leh Luangel khua ah om sang inn ah om lai ding hi. Ahih hang in sap ah pia ding hi.
Saliang le daksap man in Kamhau uk ngeina bang in ah hih ding hi.
Ahih hang in sang inn sap ah ngah hang in inn khempeuh sap man ah ngen thei ding hi, ci hi. Lung ngaina ah om kei ding hi.
Phalam Mangpipa.
NIPI NI SIN NAHDING THU
Septemba 6, 1925
Philipu Nasepna thu
Sawltak Tangthu 8
1.Tua lai tak in Zezusalem khua ah om pawlpi te a nakpi kih bawl sia a Sawltakte sim lo in a dang Tapidaw khempeuh in Zudah gam leh Siamazih gamah mun mun kih the thang hi.
2. Thu zahtakte in Tetapan vai a amah hangah nakpi ah kap hi.
3. Sawlu in Pawlpi a sugawp a inn vekpi ah lut khit ciang pasal, numei ah kai khia in thong sung ah ah khum hi.
4.Tua ahih ciang in gam khempeuh kih the thang mite in ah vak kawi kawi a thu ah hilh hi.
5. Philipu a Siamazi khua pai a Kazih thu ah gen hi.
6. Mi honte za uh a Philipu ah hih na lam dangna ah muh ciang in tua thu lung sim kih khat in ah ngai ciat uh hi.
7. Bang ding hiam ih cih leh dawi vei mihing tampite pan nakpi kihko in dawite ah pusuak uh hi. A pum lang khat a si mi leh khe bai mi tampite in damna ah ngah hi.
8. Tua khua sung ah nawpna leh lung damna ah piang hi.
9. Simon, a min nei mihing khat in mit pial in dawi bawl te, kei zong mi lian khat kah hi hi, ci in Siamazi mihing te ah lam dang sak hi.
10. Upa, naupang khempeuh in, “Hih mi in letna kih ci Pasian vang ah hi hi, ci in ama thu ah ngai uh hi.
11. Amah in mit pial in sawt veipi mi lam dang sak ahih ciang in amaute in ama thu genna ah ngai uh hi.
12. Philipu in Pasian gam leh Zeisu Khazih ah min in lung damna thu gen a tua mite in ah thu ah up uh ciang in numei, pasalte in um a tui sung ah kih phum uh hi.
13. Simon in zong um a tui sung ah khih phum khit ciang in Philipu kiang ah om a nalam dang leh ah bawlna a muh ciang in a lam dang ah sa hi.
14. Siamazi khuapite in Pasian thu ah sang in Zezusalen khua ah om Sawltakte ah zak ciang in Pitazu leh Zawhang ah sawl hi.
15. Amaute ah tun uh ciang in tua khua mite in kha Siangtho ah ngah nahding in amaute ading thu ah ngen hi.
16. Bang ding hiam ih ci leh Topa Zeisu min tawh tui sung ah kih phum bek hang in Kha Siangtho khat peuh mah tung ah ah tung nai kei hi.
17. Amau te in tua mite tung ah khut a ngak ciang in Kha Siangtho ah ngah uh hi.
18. Sawltakte khut ah nga ciang in Kha Siangtho ah kih pia, Simon ah muh ciang in:
19 Keima khut ah tung ah kah nga sate in Kha Siangtho ah ngah ding in kei zong vangletna hong pia tan, ci in dangka ah pia nuam hi.
20. Pitazu in: Pasian a hehpihna dangka tawh kih lei hi ci a ngaisun nah hi ciang in nang tawh nah dangka sia khawm ta hen.
21. Nang in hih thu tawh na kih kum nah kih tuak kei hi. Bang ding hiam nah ci leh nangma lung sim in Pasian maiah ah tang kei hi, ah ci hi.
Cinawpna Thu (Atung a te a gen kikna)
1. Zudate in Tetapan ah that khit ciang in Tapidaw adang zong ah that nuam hi. Tu in Tapidaw ah that ngam hi. Tua ahih ciang in Tapidaw te ah tai uh hi. Ahih hang in amau ah tam man in mihing tampi te in Pasian thu ah zak uh hi.
3. Sawlu, Sawlu in Tapidaw ah huat pen pa hi. Anung ciang in Tapidaw suak a upna lian pen pa a suak hi.
5. Philipu, Tamandaw ah hih kei hi, upa ah hi hi. Siamazi khua. Hih khua mihing te in Zudah mi hi kei. Lawki mi ah hih kei hi. Judah te in Siamazite ah zawng sak a amau kiang ah Pasian thu ah hilh nuam kei hi. Philipu in Tamandaw ah hih kei hangin na lam dang ah bawl thei hi.
9. Simon. tua pa in Tapidaw sung pan thu zuau gen pi bel pa hi. Ah si mateng in Pasian thu a nial hi. Tua pa in Philipu na lam dang na ah mu ciang in ah tum dang sa a Philipu thu a zui hi.
14. Zudahte in Simazihte ah zawng sak hang in Tapidaw a suak uh Tamandawte ah theih ciang in amau kiang a pai thei hi.
19.Simon in dangka tawh Pasian vanglet na ah lei nuam hi. A hih hang in kuamah in ngun tawh Pasian thu pha ah ngah zo kei hi. Ama thu ah um mi kheempeuh te in thu pha lung dam na ah ngah thei hi.
Septemba kha 13,1925
Philipu leh Etazawpih Pa Thu
Sawltak Tangthu 8
26. Pasian vantung mihing khat in Philipu kiang ah: ‘Nang tho in la Zezusalen khua pan in Gaza khua paina gampalak khang lam pai in,’ ci in a gen mah bang in.
27. Philipu tho a a pai hi. Tua lai tak in Etazawpih gam Kandet kumpinu nuai ah a vang lian ah vaihawm Mang amah sum khempeuh ah uk Etazawpih gam mi khat in biak nahdingin Zezusalen khua pai a
28. ah ciah kik lai tak in ama leeng tung ah tuang a Kam Sang Pa Hesiaza Lai Siangtho ah sim hi.
29. Kha Shiangtho in: ‘Tua leeng nai in la bel in,’ ci in Philipu kiangah thu ah piak ciangin.
30. Philipu in ama kiang ah tai a KamSangpa Hesiaza lai sim za a: ‘Nah simte nah thei hiam,’ ci in a dong hi.
31. Tua Mangpa in: ‘Hong hilh a om kei leh bang ci thei ding kah hi hiam,’ah ci ciangin Philipu in amah tawh kahta a tu khawm nahding a gen hi.
36. Philipu in a kam ka a tua Lai Shiangtho pan ah kihpan Zeisu thu ah gen hi.
37. Lam apai lai takin tui a om na a tung a Mangpa in: ‘Tui a om hi. Kei mah in kah kih tui phum lo mahding thu a om hiam,’ah ci hi.
38. Mangpa in leeng khawh nah ding thu a pia khit ciangin Philipu leh Mangpa ah nih man in tui sungah pai uh a a tui ah phum hi. Tui sung ah ah kahtoh khit ciangin Kha Shiangtho in Philipu ah la khia a Mangpa in a nung ciangin ah mu nawn lo hi.
Cinawpna Thu (atung a thu agenkik na)
26. Gaza khua. Tu dong in ah om hi. Mang kangte gal kih do lai tak in tua khua ah Englante Tulkhite in khat vei kih do hi. Khua ah liau kei hi. Gampalak. Kua in gampalak thu hilh ding a pai ding hiam. A hih hangin vantung lam zong pa khat ah om manin Pasian in Philipu ah sawl hi.
27. Etazawpih gam. Tua gam in Apalika gamah om a tu dong in ah kip hi. Sawltak tte khang lai takin Etazawpih gam ah lian mah mah hi. Tu in a lian kei hi. Tapidaw vive a om hangin Pasian thu a teltakpi ah siam kei hi. Tua pa in Zezusalen khua a pai a hih ciang in Pasian thu a za nuam, ci in kih thei hi.
31. Mi tampi te in Pasian thu a ngaihsun hang in ah hilh ding kua mah a om kei hi.A hih hang in mihing khat peuh Pasian thu a za nuam tak tak ah leh Pasian in tua pa kiang ah thu hilh pa a sawl ding hi.
36. Kam Sang te in Zeisu thu a hilh khawl hi. Zudah mihing te in Kam Sangte thu a ngai nop leh Zeisu thu a zui ding hi. Philipu in mihing khat Tapidaw suah nah ding gampalak lam a pai hi. A hih hang in tua pa a ciah ciang in ama gam mihing kheempeuh Tapidaw a suak siat hi. Tua a hih ciangin Philipu nasep na in a neu bang hangin ah lian mah mah hi. Eite in mihing khat Tapidaw ih suak sak ciang inmihing dang bangzah in Pasian thu a za ding hiam ih thei kei hi.
Septeba 20,1925
Sawlu Tapidaw Suahna Thu
Sawltakte Tangthu 9
1. Sawlu in Topa nung zuite lang khat pang a that dingin ah nakpi ah nak lai takin hih Lam ah zui numei a hih hang in pasal a hih hangin a mu ciang in khau khit ciang in Zezusalen khua hong paipih ding in Damati khua sang innte kiang ah vaikhakna lai pia in Sawlu in Siampi uk pa kiangah a gen hi.3. A mah in lam pi ah pai ah Damati khua ah nai ciangin vantung pan khua vakpi in amah kimkot thakhat in hong tang hi. 4.Amah in lei tung a puk a: ‘Sawlu, Sawlu bang ding in kei hong bawl sia hiam,’ cina aw ah za hi. 5.Sawlu in: ‘Topa aw kua nah hi hiam,’ ci in ah dot ciangin Zeisu in: ‘Keimah in nah hong bawl sia ka hi hi. A hih hangin tho in la khua sungah tum in. Nah gamtat nah ding thu kong hilh ding hi,’ a ci hi. 7. Sawlu tawh a pai khawm mite in lung am ah pau lo ah ding a tua aw beek ah zak hang in kuamah a mu kei hi. Sawlu in lei pan ah thawh ciangin ah mit a hak leh kuamah a mu kei a hih manin amaute in a khut kai a Damati khua ah paipih hi. 9. Ni thum sungah bang mah mu lo, an ne lo,tui dawn lo in a om hi.
10. Tua lai takin Damati khua ah min Annani a ci, Tapidaw khat a om hi. Tua pa mang sungah Topa in: ‘Annani aw’ci in a sap leh Annani in: ‘Kei mah kah om hi, Topa aw,’ ah ci in ah dong hi. 11. Pasian in: ‘Tho in la Tang ah kih ci, lampi pai in la Tasu mi Sawlu kih ci Zudah inah nah zong in. Bang ding hiam nah ci leh tua pa ah thu ngen hi. 12.Ama in Annini ah min nei hong pai a mah khua mu thei nah dingin ah khut ah nga ah mu zo hi,’ a ci hi. 17. Annani pai a in sungah a lut a Sawlu tungah a khut nga a: ‘Kah nau Sawlu aw, nang paina lampi nah kiangah ah hong kih lang Topa Zeisu in nang ma khua nah mu kik nahding a hih zong in Kha Siangtho tawh tawh nah kih dim nah ding ahih zong in hong sawl hi,’ ah ci hi. 18. Tua lai takin a mittang ah ngasa lip bang tahkhatah ah khia a khua a mu thei a a tho leh tui ah kih phum khit ciangin. 19. an ne a ah tha hong khauh kik hi.
Cinawpna Thu
1. Zeisu khua ah Tapidaw a om kei hi, ah tai khin uh hi. Tua ahih ciang in Sawlu in khua dang ah Tapidaw a zong hi
2. Damati khua. Ah lam zawh kum 4,000 bang pha hi. Damati khua sang inn uk te in Zezusalen khua siampi uk pa khut nuai ah om hi. Sawlu in ni thum a tung thei hi
3. Sawlu in Tapidaw a suak ciang in thahkat in Tapidaw ah suak hi, a dam dam in ah ngaihsun kei hi. Ah kih pha sak hi. A hih hang in leitung ah lum lai tak in ah kih pha sakna ah bei hi.
5. Mihing khat in Tapidaw ah bawl siat ciangin Pasian zong a bawlsiat hi. Zeisu in leitung ah hong pai suk ciang in ama thu a um lote kiangah: ‘Kah nau a neu pen tung ah nah heh pih lo man inah kei nong heh pih kei hi,’ ah ci ding hi.
8. Ah mit ah hak hi. Pasian thu a pha takpi ah ngaihsun thei nah ding in Pasian in a mit ah hak sak hi.
10. Annini. Tua pa in Sawlu kiangah ah a pai ngam kei hi, Sawlu a kih ta hi.
18. Ni thum sungah Sawlu a khua a ngaihsun thei hi. Tua a hih ciang in Annini hong pai ciangin tui sungah kiphum a Tapidaw tak tak a suak hi. Sawlu,Tapidaw a suah ciang in Tapidawte in phat na a ngah hi. Tu ma-in Tapidaw a tam pen in mi zawng te ah hi hi. Sawlu in mi lian hi a Zudah uk pa khat ah hi hi. Sawlu,Tapidaw a suah ma-in Pasian thu a hua’sa hi. A hih hang in Tapidaw ah suah khit ciang in adang Tapidaw sangin Pasian thu a um zaw hi. Ah si mahteng in bawlsiatna ah thuak hangin, zawng sakna ah thuak hangin Pasian na nakpi in ah seem hi. Zeisu sim lo in Sawlu sang in lei tung ah a lian zaw mihing a om kei hi.
Septemba 26,1925
Sawlu Naseem Ding ah Kihpan Hi
Sawltakte Tangthu 9
19. Sawlu in Damati khua Tapidawte ni ah tawm khat ah om khawm a. 20. Zeisu Pasian ta ahi, ci in sang in sung ah thu ah hilh hi. 21. Azate in a lam dang sa uh a: ‘Hih mi in Zezusalen khua sungah tua min ah suangte ah bawl sia tham lo-in amaute khua a siampi kiang ah paipih dingin hih lai tak a hong pai pa hilo ah hi hiam,’ a ci uh hi. A hih hang in Sawlu ah thahat seem seem a Damati khua ah om Zudah mite a gen thu sel a Zeisu in khazih a hi takpi ah lang in ah gen hi.
25. A sawt lo khit ciang in Zudah mihing te in Sawlu a that ding in ah vaihawm hi. 24. Tua a han ciam na Sawlu in ah thei hi. Amah a that ding in tua mite in kong biang kiangah sun leh zan a pang uh hi. A ma nung zui te in amah la a seeng hai khat sungah a guan khit ciang in kul tung pan a khia suk hi.
26. Zezusalen khua a tun khit ciang in Tapidawte tawh a kih pawl ni ah ci leh amaute in Tapidaw a hi lam a taksa kei uh a amah ah kihta uh hi. 27. A hih hangin Banaba in Sawlu sam a Pasian sawltakte kiangah a paipih a Sawlu lam-piah Zeisu a muna ahih zong in amah tawh a kih hona ahih zong in Damati khua-ah Zeisu ah min tawh lau lo-in ah thu hilhna teng amaute kiangah a gen hi. 28. Sawlu in amate tawh Zezusalen khua ah om khawm a pai zel a ciah zel a. 29. lau lo-in Zeisu ah min thu ah hilh a Galik Zuda mi thu kih sel a amaute in amah ah that ni, ci in a hahkat hi. 30. Unaute in tua thu ah thei ciangin Sawlu, Ketazi khua pai sak a Tasu khua ah kha hi.
Cinawpna Thu
19. Sawlu in Tapidaw ah sau khit ciangin thakhat mah in Pasian na ah seem hi. Kum thum ah gampalak ah Pasian thu ngaihsun nahding in a om khit ciang in Damati khua ah Zeisu thu ah hilh hi.
21. Mi gilo peuh in Tapidaw ah suak ciangin mi kheempeuh ah lung mang hi. A hih hang in Pasian thu ah huat mi pawl in Tapidaw a suak sa ah that nuam hi. Sawlu in thahkhat in bawlsiat a thuak hi.
23. Zudah mihing te Tua mihing te in Zeisu ah that hi. Amau in a pu ah pa ngeina beek a ngaihsun thei hi. Kham tung mihing bangin: ‘Pasian ka bia hi,’ah ci uh hang in aman takpi a bia kei hi.
25. Sawlu sangin bawl siat na a thuak zaw ah om in kih um kei hi. Ah bete, ah suahpite in Sawlu ah huat pen hi.
26. Sawlu in Tapidaw a suah, ci in Zezusalen Tapidawte a ngaihsun zo kei hi. Amaute tawh kih pawl khit ciangin Tapidaw a min thei a ah bawlsiat ding hi ci in a lau hi.
27. Banaba tua pa in Sawlu lawmpa a hi hi. Amah in a masa-ah lo khat zuak a Sawltakte kiangah man a pia hi. Tua a hih ciang in Tapidaw kheempeuh in ama thu a um hi.
29. Galik Zudah mi. Tua mihing te in Zudah mi ah hih hangin Galik gam a lal zo hi. Tu in kim khat te in Zezusalen khua ah om kik hi. Tua lai takin Galik mihing te in a lung pil pen ah hi hi. Ahih hang in Sawlu in Pasian lung pilna ah nei manin ah amaute a zo zo thei hi. Tua hih ciangin amaute ah zo zo lo manin ah Sawlu a that nuam hi.
30. Ketazia khua. Tua khua in tui pi gei khua ah hi hi. Tembaw kheempeuh in tua khua ah tung hi. Tasu khua in Sawlu a hingna khua hi. Tua a hih ciangin Ketazia khua panin tembaw tungah tuang a a khua a ciah hi. Tua a hih ciang in Sawlu in Pasian na ah seem nuam hang in ah haksa hi. Ama thu mihingte ah ngai nuam kei hi.
Laibu Saal /Zomi eLibrary
www.zomielibrary.com
