TANGVALKHAATTE
Agelh ~ Khoi Lam Thang
Kawlte in vlysKdBuD; a cih tangval kum haamte ('tangvalkhaat' ci ni) tawh kisai tawm gen dih ni. Nidang lai in tangval khat kum 25 bang a val leh tangvalkhaat kici hi. Ahih hangin tuhun ciangin kong pua pial-a, pilna, hauhna zon hun, hanciam khiat hun hi ta ahih manin tu lai khuahun tawh kituak dingin tangvalkhaat i cihte kum 40 tungsiahte ci phot dih ni.
Tangvalkhaatte in a mau kigual pih nungakte hamsa lua vial uh hi. Nungak moi nonote mah en tantan veve uh hi. Pawlkhatte bang "Siapa na zip kaito in" cih tangthu bangdan a, i maizumpih om thei hi. Ahi zongin a ham le a moi lungsim luanzia kituak ding haksa hi. Zawl va hel sun leh zong, hong it ing a va cih ding haksa sa mahmah uh hi. Zawlthu gen ding khua-ul suak thei hi.
Tangvalkhaatte in zi deih mahmah napi zi neih taktak ding khensat haksa sa thei uh hi. Zi neihak leng suan le khak zekai ding cih thei napi, Paunak sunga inn le neihsa a kicin ciangin cih khawng paulap nuam pianpian uh hi. Kivaihawmsak leh nial lo napi, vaihawmsak ahih ding maizumhuai sa in thangpaih lak thei uh hi.
Lawmthu genpih sawm leng ciamnuih peuh tawh hong dawng ziauziau thei hi. A kisapzia genpih leng a genpihte sangin gensiam zaw, theizaw lai hi. Hih bang lungpuakzia pen mikim ahih kholloh hangin a tamzaw man ding hi.
Tangvalkhaatte in zi nei leh a zite uh it mahmah uh hi. Kum 40 khit ciang bangin ta nei pan leh it cihtak it in, a zite bang kemsak man lo uh hi kici hi. A zi neihhak bang, a kua ngawh ding cih hilo na pi, thangpai in kinungsik phial mawk thei hi.
Source:
SIHNA IN HONG KHEN MA TENG (Laibu)
Agelh: Khoi Lam Thang
Laigelh siapa in Laibu Saal / Zomi eLibrary ading in phalna ahong piak ahi hi.
cinpuzomi@gmail.com
