SIAMNA SANGZAW, SANGINN HOIHZAW AH
Agelh ~ Dr. Kham Khan Suan Hausing
Hih thului in sepna kician, kingakna thamcing sepna i ngah zawhna dingin ‘siamna sangzaw, sanginn hoihzaw ah’ i sin ding mah kisam hi cih thu ahi hi. Kitaitehna laivuan tuamtuam ah lawhcinna in sepna tuamtuam muhna lampi khat ahih tei hangin i siamna, pilna tawh kituakin sepna i ngah/ muh ding kigen theilo hi. Siamna, pilna sangpi nei in, tuate sanginn hoihzaw mah pan ngah zo le’ng I siamna leh pilna in nakpitak ‘brand value’-mikang pau kawm pak le’ng-nei tuam ding a, I septheihna mun ding hong tangzai in nakpitak hong nuamtuam sak ding hi. Bang hang hiam cih leh sanginn hoih ah kah zawhna dingin kitaitehna sangzaw a, a pil a siamzawte mah na kahzo uh hi. US ah Ivy League University a kicite: Brown, Columbia, Cornell, Dartmouth, Harvard, Princeton, University of Pennsylvania leh Yale ahizongin UK ah Oxbridge (Oxford leh Cambridge) leh LSE (ah a kahzo te’n sangsia siamzaw leh pilzawte’ pattahna ngah uh ahihmanin a siamna uh leh theihna uh limtak puahpha thei uh hi.
Source:
TCYA
Diamond Jubilee
SOUVENIR
