PUMPI TUNGA HONG KILAK A HEPKHIAT HUAI THU TE
Agelh ~ Niang Hen Cing
1. Kam uihna
Kam uih pen I nak dong hong tun leh gilpi sungah natna om cih hong lak hi. A nam sungah a kha dan hong kihel leh i sin tha nem cih hong lak hi. Pumpi thazaw in kam a uih leh tuap leh kal tha hat lo cihna hi.
2. Tha zaw in ci leh sa na
Limtak ihmu, limtak ne napi-in ci leh sa a nat leh sin ah a hoih lo gu tam lua cih hong lak a, I sin cells te gim cih hong lak hi.
3. Sung pai hoihlo den.
I anneek a siantho loh man sungpai pen a ngei-na, gu paihkhiatna hi a, sung a pai den leh gilzangte sungah a hoih lo bacteria tam lua cihna ahi hi. An hoihtak gawi zo lo-in pumpi ading na hoihte hupzo nawn lo cihna hi.
4. Niin kang neihna
Numeite a ngeina a hi lo, niin kang nei a, a mel kikhel a, a namsiat leh natna lungno hang ahih manin Sianvuan te (Zato siam-te) lah meng ding kisam hi.
5. Cithak
Ci a thak den leh i pumpi ah a hoih lo na (gu) tam mahmah cih hong lak hi. Manlang a, ki bawl ding thupi hi.
6. Taangsiat
I mai, I liangko ah taangsiat hongpo ciang na mahmah hi. I zel, gilpi, sin ah natna om thei a, limtak a tuate hepkhiat ding ki sam hi.
7. Muk kiu meima
I muk kiu ah meima om leh i kam kaa le’ng na mahmah hi. Vitamin B2 kisap hang zong hi thei hi. I zel, zelpi, sin-te ah natna lungno (virus) hon glut leh zong piang thei hi.
8. Khua-ul namsiatna
Khua-ul a namsiat luat leh pumpi sungah a hoih lo gu tam mahmah cih hong lak hi. I vunte na ngawngin lakhia hi. Tua manin zong namsia hi.
9. Ci tungah a vom mal kilang
I mai, i baan, i taan te ah a vom mal hong kilat leh i vun ah a hoih lo gu tam hi cih hong lak a hi hi.
10. Sung khak luatna
Tui tawm dawnin, mehgah mehteh tawm nek le’ng sung khak thei hi. Ahih hang a tawntungin sung a khak leh i gilzang, I ngoipi-te’n hoih tak na sem zo lo cih hong lak hi
Source:
Zonu’ Tongluan (Apr, May Jun -14) Zntl-041
Laibu Saal / Zomi eLibrary
Photo Credit : Sansan
