Nungta Ahih Man
Because He Lives
(John 14:19)
Agelh~Zam Khat Kham
Gloria Gaither (1942- ) William J. Gaither (1936- )
William J. Gaither (1936- )
Gloria leh Bill Gaither-te nupa’ hangin evangelical hymn tampi khang hi, kici hi. “He touched Me,” “Something Beautiful,” “Let’s Just Praise the Lord,” “The King Is Coming,” “There’s Someting About That Name,” “I Am Loved” cih late leh la dawng 400 valte music siam mahmah-a, a khami mahmah hih nupate’ lungtang leh laikung pana hong luangkhia ahi hi.
La tampi a phuahte lak vuah hih “Nungta Ahih Man” la mah in a nuntakna vua a thubulphuh uh ahi “nisim nuntakna ah thawhkikna thu tawh nuntakna” kilangsakpen hi. 1974 kumin the Gospel Music Association leh ASCAP-te in “Gospel Song of the Year for 1974” (1974 kumsunga Gospel la ngaihpen) ci-in ciamteh hi. Bill Gaither in hih la a phuahna thu uh hih bangin gen hi:
Tawlpi khatsung la dawng khat beek phuak lo-a ka om khit ciang un ka phuah uh ahi hi. 1960 kumte a beibei laitakin ka gam uh (America)ah haksatna tampi om hi. Khamtheih guihtheih kinakzat mahmah-in, “God Is Dead” (Pasian Si Khin) cih upna khang mahmah-a, Vietnam Galpi a nasiat mahmah laitakin ka tapa uh Benji a suah ding hun cing ta hi. Tua laitakin ka ngaihsutna uh ah, “Lawmlawm tazen, hih bang huna nau neih mawk zong mataw!” ka ci uh hi. Kiim le paam-a thupiangte en in ka lung uh kia mahmah hi. Benji hong suak hi. Ta numei nih ka nei khin uh a, ka it mahmah uh hi, tu-a pen ta pasal hong hi a, “How sweet to hold a new-born baby and feel the pride and joy he gives, but better still the calm assurance that this child can face uncertain days because Christ lives” cih lamalte hong phul hi. “Khazih nungta ahih manin zingciang bangbang piang taleh phut zawh nading” hanna hong guana, mite’ ading khiatna a nei dingin ka lam-en uh hi.
1959 kumin ama’ khua Alexandria, Indiana ah Bill Gaither sangsia sep kipana English, literature leh journalism hilh hi. Tua lai ah French leh English a hilh Gloria tawh kimu uh hi. A kiim-a pawlpite ah “Gaither music” ci-in la sakhawm uh a,1962 kumin kiteng uh hi. Tanu tapa 3 nei uh hi – 1964 kuma suak Suzanne, 1969 kuma suak Amy, leh 1970 kuma suak Benji. 1967 kumin sangsia tawp uh a, laphuah, lakhum nasep kipan uh hi. La album 30 val khum khin uh hi. Kum simin concert 50 ta peuhmah bawl den uh hi. A nasep uh khang mahmah a, Bill Gaither bang business tuamtuam 30 val ah president-in om hi. Recording studio, music hawmkhiatna company, lai khetkhiatna nasep cih bang nasep lianpipite sem uh hi.
1971 kuma kipanin Gloria in laibu bu 5 gelh khin hi: Make Warm Noises, Rainbows Live at Easter, Because He Lives, Decisions: A Christian’s Approach to Making Right Choices, leh Let’s Make a Memory (Shirley Dobson tawh a gelhkhop). A pasal tawh kopin la dawng 400 bang phuak hi. 1976 kumin Gaither-te nupa in Fred Bock tawh kopkhawmin Hymns for the Family of God kici labu hoih mahmah khat khenkhia uh hi.
Pasian in a Tapa hong sawl, Hong it ding leh hong damsak ding, Ka mawhnate maisak ding hong pai, Nungta a hih manin a han guak bek om hi.
Nungta ahih man bangbang piangta se leh,
Phamawh sa keng zong lau bek keng,
Mailam hunte a khut sungah om cih thei ing,
A mah nungta ahih man ka nun na’n man nei.
Naugek te zong Amah’n hong kep sak, Bangzah tak in lungdam huai hiam, Tua sangin zong lungdam huai zaw lai, Nungta ahih man lau nang omlo cih thu mahmah,
Ni khat ni ciang sihna gungal ah, Haksapi-in ka kan ding hi, Tua hun ciangin sih na zozo in, Amah kumpi ahih lam ka mu thei ding hi.
