MI I BAT NOP LEH LAI SIM NI.

MI I BAT NOP LEH LAI SIM NI.

Agelh​​ ~​​ Kham Sian Muang

Laisimna pen thadahte sep zawh ding hi lo-a, Pasian thu leh leitung thu a thei nuamte nasep ahi hi.​​ Tu hun pen​​ Technology​​ (IT)​​ hun hi-a, a ciangciang panin​​ IT zangin​​ pilna kisin thei hi.​​ 

Mi​​ i​​ bat nop leh​​ thu manpha ciaptehna leh hilhcian ahi lai​​ tuamtuam​​ i​​ ​​ sim kul hi. Leitungah theih ding khempeuh a thei khin​​ kua mah om lo hi. A​​ khangkhang in pilna​​ kisin behbeh​​ napi’n, sin ding thuthak bei ngei lo hi.​​ India kumpi 11 na​​ A.P.J​​ Adul​​ Kalam​​ (2002-2007)​​ in,​​ “Never stop learning because life never stop teaching,”​​ acih ziau bangin, nisim in sinding theih ding bei lo a, pilsinna leh lai simna in khawl hun nei lo hi.​​ 

Kawlte’n, “Lai ah pilna om,” acih bangin, lai simsimte pil​​ in khangto​​ pah​​ hi. Lai sim thadahte ahih leh hai leh zawn thuah khawm uh a, mite nasem in om​​ uh hi. Tua manin lai tampipi sim ni. Lai sim​​ thadah kei ni.​​ 

Lai simna​​ pen mipilte tawh holimna ahi hi. Laigelh ten laisimte’ tungah, theihsaknop, hilhnop,​​ leh lamlahnop a neihte uh a gelh ahi hi.​​ Tua hi-a, laibu hoih tampi simna in​​ zatkhiatding pilna tampi hong guan hi. A​​ hoih leh a sia khentel theihna zong hong​​ hilh​​ hi.

​​ 

 Lai simna in ahaite pilsak a, a gilo mite zong bawl hoih thei hi. Lai i sim ciang i lungsim suakta-in ngaihsutna thak hong guan hi. America mipil minthang Thomas Jefferson in,​​ “Laibu om lo-in nungta thei keng,” ci liang hi.​​ 

Mikang​​ te’n,​​ “Makaite pen laisimte hi,”​​ (The leaders are the readers)​​ acih pen thuman hi.​​ Ahangin, laisim lote​​ hunzatna pen zatnop lo a, laisim mikhat i​​ thu gen pen zaknop in khantohna​​ tampi​​ hong​​ pia​​ hi.​​ 

A khangtosa gammite​​ khual​​ a​​ zin​​ uh ciang​​ motor tung, vanleng tung khawngah pau sesu lo-in lai sim tangtang​​ uh a,​​ lai tawh kilawmta uh hi.​​ Khuapi sung niangtui sai,​​ hotel​​ leh​​ paakhuan​​ khawngah laisimnang​​ hunla​​ uh hi.​​ 

Tua ahih manin,​​ a kua maciatin​​ laisim ni.​​ Paulap zongzong kei ni. Hun pia ni.​​ Laisimna in ih muhna zaisak hi.​​ Lai sim-a thuman thutak tawh a​​ nungta mite picing, gahsuah in gualzo uh hi.​​ Mi i bah​​ nop leh lai​​ sim kul hi.​​ 

Laigelh siapa kiangah hi article I ngetna tungtawn in ahong gelhsak ahi hi. Lungdam mahmah hang. I biak Pasian in hong zatsak semsem ta hen.

rom: ksmuang16 < >

to: Cinpu Zomi <cinpuzomi@gmail.com>

date: Sat, Apr 7, 2018 at 8:03 AM

subject: Laisim thupina

mailed-by: gmail.com