MELHOIH
NINGTUI BANG KIDAWN THEILO
Agelh ~ Khoi Lam Thang
Zomite in “Melhoih ningtui bang kidawn thei lo” i ci a, Kawlte’ ]]vSwmruf&if? reufpmiwfrnf}} na ci uh hi. Khangluite in tulai melhoih kidemna thu a gen hi lo hi. Zileta ding thu tawh kisai ahi hi. Nungak a mel hoih napi, a gamtat zulhzau, a nuntak polhtehte iplah huai lo hi. A mel hoih napi lungsim a lungsim siate ngilhlah huai lo hi.
Paunak 31:30-31
Ngaihbanna pen zuaupi hi thei a,
Melhoihna zong maimang thei hi.
Ahi zongin Topa a zahtak numei
A phattaak khat ahi hi.
A sepna khempeuh hangin
a mah phat un.
Mi khempeuh in a zahtak dingin
a kilawm ahi hi.
Tu hun ciangin, leitung melhoih kidemna khawng ah a kihel tham nungak mel hoihte, a melhoih manun, ningzu le aisa ban-ah, minthan lawh uh hi. Hauh lawh uh hi.
Ahih hangin, vuntham mel hoihna siksan-in zi le pasal ding teelhuai lo hi. Hoihna i cih a ente’ khensat hi-a, a hunhun-in kikhelkhel thei hi. Vuntham hoihna pen pak bangin vulkikpak ding a, lungsim hoihna pen a khangkhang a kiluahsuk ding khaici ahi hi.
Mihing melhoihte a tamzaw a lungsim uh zong hoihpah lel a, melhoih napi lungsim sia tawm hi. Melsiate a lungsim uh zong sia nuam deuhse a, melsia napi lungsim hoih tawm hi. Melhoih le lungsim hoih i ngah zawh kei leh, melsia a lungsim hoih tel huai zaw hi. Melsiat le lungsimsiat a thuahkhawm zi a neite mi hamsiate ahi hi. Tua bang mite a thu ngaihsut tam ding ahih manin mipil (Philosopher) suak lawh bilbel thei hi kici liang hi.
Thu ngaihsun thei lo numei melhoih pen
vokpi’ muk a om kham nakbah tawh kibang hi.
Paunak 11:22
--oo—
Source:
Sihna in hong khen mateng (Laibu)
Laibu Saal / Zomi eLibrary
