MEIGONG NAM NIH OM
Agelh ~ Rev. Job Thawngno
Lai Siangtho in meigong nam nih in na khen a, meigong taktak leh meigong khem ahihi. Meigong taktak cih ciangin a kum 60 a cing khinsa meigongte ahi zongin pasal nei kik theih ding hita leh neih kik ding sawm nawn hetlo a, pasal dinmun ah Pasian a koih a sun a zan a thungetna tawh a ki-ap dente ahihi. Meigongkhem i cih ciangin a pasal omloh a sih khit pong hangin a ut bangbangin a pumpi zanga ci leh sa lamah a meigong tuan khollote ahihi. Pasal omloh hangin bangmah kilamdanna aom tuan khollote ahihi. Tua ahih manin Paul in pasal a nei kik thei lai dingte meigong sazian sungah na koih nai kei un la, a kum 60 a cing khinsate, khatvei bek pasal a neite bek meigong sazian sungah na koih un, ci hi. I Tim 5:5-10
Lai Siangtho in hi banga meigong hi napi ama pumpi a ut bangbanga a thangzatte pen a nuntak lai hangin a kha si khin ta hi, ci hi. I kim i pam i khuasung le hi pawlpi sung ciat ah hi bang mah in meigong nam nih i mu ciat hi. Tua manin meigong veve lak-ah kei meigong taktak ka hiam? Pasian a muang a suang ka hiam? Pasal dinmun ah Pasian a koih ka hiam? Ka ut bangin ka pumpi a zang pawl ka hiam? cih ki etphat ding thupi mahmah hi.
Source:
Meigongten Pasal mu ta! Tagahten Pa nei ta!
Laibu
Agelh ~ Rev. Job Thawngno
Laibu Saal / Zomi eLibrary
in hanciam in ki khenkik (type/typing) in hong ki suaksak ahi hi.
