MAITAINA
Agelh ~ Tg. Samuel @ Nas
Maitaina in ci damsak a, maigum tawntungna in guhtui teepkang hi – Pau. 17:22
Maitaina pen lungnop kipatna hi. No cik a bat hangin na lian sem thei hi. Man nei kei mah leh tampi tak piakhia hi.
A ngah kha ta dingin noptuamna om a, a piakhia ta dingin lah sup luatna om lo hi.
Khuaphelep zahin manlang a, ahi zongin i mit kha ah i damsunginmang nawnlo thei hi.
Hau lua zoin maitai kisam nawn lo cih bang om thei lo a, hauhna namkhat ahih manin a maitai zo laite mihau hi.
Innsungah nopna hong tun a, sum zon pai zonnaah metna hong pia hi. Lawm thak bawl nadingin vanzat hoih pen hi a, kizepna kicing pen zong hi.
A lunggim mi ta dingin lungnopna, a tawl khin mi ta dingin tawldamna leh haksatna in a buluh lai ta dingin natdo zatui manpha hi.
Lei theih hilo a, kikawmtheih zong hilo hi. Kiguksak theih hilo a, mansuah theih zong hilo hi. Zekkhiat lohin a manphatna a omlo na manpha khat hi. Tam a pia khiate in tam ngah kik uh a, ngah ding bek a kilamente in ngakngak kha thei ding uh hi.
Tua hi a, a lungziinhuai khua sung leh khua pua-ah na pai ciangin maitai inla, na khuavak va taan in. A diakin a maitai zo nawnlote kiangah va taan in; maitai zo nawn loin a taang zo nawn lote kan a kisam omlo uh ahih manin!
Laibu Saal / Zomi eLibrary
