Leitungbup Biaknate Parliament Khawmpi
(The World Parliament of Religions)
Agelh ~ Rev. Dr. Pau Khan En
Leitung biakna kipawlna leh nasepna ah kiza mun khol lo napi a, a na dap thupi sim gige pen Leitungbup Biaknate Parliament (World Parliament of Religions) ahi hi. A saupi in gen diatduat lo- in atom leuhleuh in konggelh ding hi.
1. Apan khiapa: American te Lutheran pan pawlthak Swedenborgian pawl mi Charles Carroll Bonney (1831 -1903) hi- a, alawmte tawh kikop in vai khempeuh hawmpah uh hi.
2. A kipatna mun America gam Chicago khuapi pan ahi hi.
3. Apian khiat hun Kum 1893 September 11 - 27 ni dong meeting nei uh hi.
4. Tupna Bulpi Leitung biakna khempeuh in kitelsiamna nei in biakna langpan (anti-religion) te leh Pasian um ngiat lote (atheists) mai ah dinkhawm theih na ding
5. Biakna nam kikhawm teng:
Christianity Confucianism
Judaism
Hinduism
Buddhism
Shintoism
Jainism
Zoroastrianism
Islam
6. A kihel gamte
India, Japan, Turkey, Lebanon, China, Sri Lanka, Thailand and US.
7. Thugenpi
India gam Hindu biakna
Makaipi pa: Swami Vivekananda
8. Christian huzap tam
Geelsiam nailoh manin Christian huzap (influence) tampian a, a hizong in kitelsiam tek in kuamah aphun, aciak om hetlo vet hi. Tua Christian huzap nate in:
Khristian la bek ki sa
TopaThungetna zang
Hallelujah Lapi kisa
Thubjlphuh (theme)
dingin Bible text kizang
Malachi 2:10
"Eite khempeuh in eite a hong piangsak Pasian ahi Pa khatbek nei hilo i hiam?...." Mikim in i theihpih ban loh hangin biakna kim kihel in makai Upabul kitel a tuate' vaihawm makaih na tawh leitung mun tuamtuam ah ahun hun in kikhopna nei in kilemna ding leh sepkhop na ding vaihawm den uh hi.
KUM ZACIN KHAWMPI
(WPR Centenary)
Hih Biakna Parliament
Kum Zacin Khawmpi pen 1993 August 25 pan September 5 ni dong US gam Chicago khua mah ah kibawl in biakna pawl 125 pan in taangmi 6000 kikhawm thei hi.
Christian biakna huzap deuh cih om nawn selo- in biakna khempeuh pan a kileekkim ding in kila a nuam kisa kim hi.
Thugen pi pen Catholic theologian Hans Kung hi a Pasian bawlsa nate kepsiam na ding ecology bulphuh in gen hi.
A thulu bel, "Leitungbup lungphut zia ding"(Towards a Global Ethics) cih ahi hi.
Hih Parliament in ahunhun in kimu in sim leitung ah kilemna leh ankhing khamna a om theih na ding in ki thukim diamdiam in vai hong hawm den ding uh hi.
Laibu Saal / Zomi eLibrary
