Ka Kha’ Ni (Sun of My Soul)
(Luke 24:29)
Agelh~Zam Khat Kham
John Keble (1792-1866)
Music from the Katholisches Gesangbuch,
Vienna, c. 1774
Hih la a phuakpa John Keble pen Anglican pawlpi sung khualam pastor khat’ tapa hi a, England gam Fairford, Gloucestershire ah April 25, 1792 ni-in suak hi. Oxford ah sangkah a, tua sang mah ah kum 10 sung professor of poetry sem hi. 1835 panin 1866 kuma a sih dong khuami 1,500 bek a pha Hursley village ah pastor sem hi.
1827 kumin The Christian Year a kici poem bu khat khenkhia hi. Kum khat sunga pawlpi pawi tuamtuamte tawh kituak dinga kiphuak la vive ahi hi. “Ka Kha Ni” zong tua late laka khat hi a, a aw kibulh-in la-in kisa inteh ci-in ngaihsun kha ngei hetlo hi. Anglican Book of Common Prayer tawh kithuahkhawma devotion bu-a kinei dinga a ngim ahi hi. A kiniamkhiat lua mahmah mi ahihman in a min nangawn dawngsak selo hi. Tua poem bu kideih lua mahmah a, ama’ khansungin 109 vei kikhenkik-a, tua laibute kizuakna pana a ngah sum peuhmah a pawlpi ah zek hi.
1833 kumin Oxford ah “National Apostasy” kici sermon minthang mahmah khat gena, tua sermon tungtawnin 19th century Oxford Movement a kici hong piangkhia hi, ci-in kiciamteh hi. Oxford Movement sunga makaite in Church of England sungah kha khanlawhna a om nading hanciamin, tua hun lai-a Wesley leh Whitefield’ nungzui evangelical makaite bangin lah pawlpi gensia gawp lo uh hi. Keble bel sih dong mah Anglican pawlpi sungah kipsuak hi. John Keble a kipawhtawina-in 1869 kumin Oxford ah Keble College kiphuan hi.
A nuntak sung buppi thuhilhsiam leh Laisiangtho thei Bible scholar khat-in kiciamteh hi. La dawng 765 phuak-a, la-aw zong bu khat phuak hi. A lamal phuahte tawh a kisakhawm dinga a ngaihsut ahi hi.
Hih la aw min “Hursley” pen 1774 kum pawl-a Austria gam Vienna-a kikhen Katholisches Gesangbuch labu pana kila ahi hi. Keble ngiat in ama’ phuah la, “Ka Kha Ni” tawh bulh dinga a teel hi a, 1855 kuma kikhen Metrical Psalter sungah kihel hi. Keble in kum tampi sung pastor a sepna pawlpi min tama kiphuak hi a, citak taka kiniamkhiatna tawh Pasian’ na a sepna pahtawina ahi hi.
Hong gum Topa ni taang bang hi. Ama kiang khuamial ngeilo hi.
Topa aw, na mai kong muh na’ng, Meilum kaite na theng sak in.Topa, ka lungkham ciang inah, Mitgui in a kham luat lai-ah Topa aw,nangma ang sungah Ka tawl ka hong dam sak nuam ta.
Topa aw, nang na om lai-ah, Sih ding ka kihta kei mah in,
Keimah tawh a om khawm dingin Nisim in Topa hong pai in.Tu lai-a na thu hong sel-a, Thupha bel hong nialte inah,
Nung ciangin a khialh loh na’ngin, Lam a khialte na hehpih in.Nitak a a thum a taute, Cidamlo a a zawngkhal te,
Na thupha kong na hon’ inla, A lung na dam sak in Topa.
Laibu Saal / Zomi eLibrary
