Grey Leipolammite (Grey Aliens) toh Chinate Thukhun?
by Joe Daniels (Kamlet Thanglianmang Tonsing)
“Carp Guardian UFO Case” apan Eukhiak
Antario Suahlam a thiltung The Carp Guardian Case pen, Canadate UFO khangthu a dinga a pomsiamhak (controversial) loitak khat ahi. A thu in a toon khakte ahih leh UFO kia munkikna/ muhkhiakna, leipolamite (aliens), Canada-mi leh America-mi kansuimite (investigator), RCMP, TV Show Posuahte (producers), leh mita-mutu / theihpihtu bangzah hiamte khong ahi uhi.Kum tampitak tuh, hiai case a kimukhiate leh thudik ahi na hiam chih leh video a kikhum (reocrds) kha te jiak khawng in mite kinialnial theihna suak hi.
Hong piandan ahih leh, Canada leh USA a UFO kansuimite’n amah mah “Guardian” kahi chi-a kigenpa akipan lai lomtun (pakage of documents) amuh uapan ahi. Huai laipekte thutun tuh, Carlton Place kimlak a UFO kia thu ahia, huai mun tuh Ottawa, Antario a om ahia, Leipolammi Limlak Photocopy khat leng om hi.
Guardian apan 1989 a Lai kisang:
Canada leh America Venbitna Nasemte’n (Security Agency), Carp a om, Corkery Road vel a dawp laka kia, Leipuamite kuang khovel theihpihlouh dia immang tum a, muk-le-kam ka hetlou a a daih khipkhep lai uh, 1989 kum ahi. Anterio kimlak bik in nuclear power station kim khonga, UFO kimuhthu tuh 1980’s vel apan kiuanggen mahmah hi.Nov. 4,1989 dak 20:00 vel khong in , Canadian Defense Dept. te radar in carp, Ontario tung lak vel a speed hat chihtak a leng bang hiam thil lum bilbel khat ana mukha hi. Huai UFO tuh thakhat ngamkhat a khol in, suangtang bang in kesuk hi.
Leitual tu ahih dan Canada leh America Vengbitna nasemte (Security Agency) theihsak pah ahi. Almonte leh Corkery Road a Leipuamite sulnung tuh Satellite (khutsiam-sol) sulzuih deth in om hi.Corkey Road kima om dawp lak thukpi khat mun a tukha a theih ahi. A zan azan in AH-64 Apache nih leh UH-60 Black Hawk khat in huaimun va delh pah uhi. Hiai helicopter ten dimtek in galvan pua uhi. Amaute America sepaih Leipawlam lenna (alien craft) mukhedia sehkhol-guk a koihte ahi uh.
Antario taksing tung zek a, niam chik a leng huai Apache chopper-te in muhkhat hon nei uhi. Meter 20 vel ding thillum (sphere), rong dum a vak didiai khat ahi. Laser a ngim in, lenna tegel in missile a puakteng un, khat a 8 om, khutsuk dupdup tamai uhi. Missile tengteng, avek a 16 tuh, lenna nuailam metre 10 vel ding khong ah puakzak vek uhi.
VEXXON kichi neuro-active gas (khuak leh thagui susiathei gas) Missile sung ah kithun hi. Huih toh hia gas hong kisukkhak chiang in a gu teng dau pah zel hi. A thiltup uh a tangtun zoh un hiai pumpi-longleng (gun-ships) te kinung hei in gamgi lam zuan kiknawn uhi.
Tu in, Black Hawk in leitual boh in, Mite tuh a kongkhak apan tawmpot zungzung uhi. Second tamlou sung in, a kong vang hiuheu a lut in, buluh dia kisawl mi 6 te tuh UFO sung lutkhin vek ta uhi. Nangtu bangmah a tuakkei uhi. A hekna pindan ah, siluang 3 mu uhi. Long (UFO) mat ahihtak in US Air Force, Pentagon leh Naval Intelligence Office te theihsak ahi uhi. Zankhovak in technician team ten huai long lum phelzakna nei uhi. A zing tung Nov. 6, 1989 in, Truck leh Inbawlna vante huai dawplak mun hong tung uhi. Ontario a om, Kanata ah huai UFO vante tut in om hi.
Thuchian selmang na ding in, a vengsung mite kiang ah hichi in gen uhi – huai dawplak tung ding lampi kisial hi. Officialtakin, thiltung lamdangtak om ahih dan genkhiak louh bikbek ahi. Himahleh kuahiam khat in 35mm roll in lim ana lakha hi.National Research Council of Canada, Ottawa in hiai limlakpen ana sang/nei kha hi. Hinna nei banghiam khat in meivak atawilai, hiai filmte ah bangzah vei hiamtak lakkhak ahi hi. A limlatu bel tutan in theihkhiak ahi kei.
Mihing dandeuhte vukkhal a tuam in University of Ottawa a om isolation chamber a thotkhiak ahi uhi. CIAte Physiologist in autopsies bawl hi. Hiai Lubawk lian mahmah nei ganhingte hi CLASS 1, NTE (Non Terrestrial Entities) dan a chiamteh in om uhi. Operation dang a mata omte bang in tua kimante hi, thanei, vun puang leh mineu ahi uh.
Kanata leinuai munpi ah huai long tuh lepthak in om hi. Tua long kiman pen hi, galthum (military) long ahi hi. “Starfighter” banga bawl, galthuam leh galvan hoih mahmah pua ahi. A kilhna, hekna leh soumat na bang mah om hetlou a kibawl ahi. A sikte ahih leh dielectric magnesium a bawl ahi. Cold fusion reactor in tha apiak, pulse electromagnetic field tha a leng ahi. Thaulawng kibulh peuhmah electronic beam weapon ahi. A van buk sung ah, galvan tau ‘racks’ soviet nuclear warhed 50 toh kimu hi. A zath ding dan ahih leh a long-deck sung a computer omte ah theihtheih hi.
Suahlam-Tumlam kitanauna leh amau sung mahmah a kipumkhehna (revolution) dia panlaknate (movements) jiak a, lauthawng in, Red China tuh a taktak ngaihdan-paipih (ideological) lama galsat pan din kisalellel hi. Khovelpumpi Sepaih kigawmkhawmte leh Nuclear galvan neite apan vengbit ding in Leipuamite’n China thukimpihta uhi.
Tulel in, Ama khutsuak mahmah Nuclear galvan toh China in Middle East (gamte) galthopna nei sanlel in, huaituh hiai gamte nuamtaka akhutnuai a koihtheihna ding ngimna leng ahi hi. Arab gamte China Heuna nuai a gawmkhawm tuh haksa hetlou hithei ding hi, ajiak thuh, tunaichin khong a Zionist te’n arab gam a luahte tung a “sik-khuttum” (iron-fist) toh a vaihawm khum sek jiak un.
Huai UFO sunga kimukhia Soviet “Bomb-lutangte” (Warheads) Syria manoh/zuan ahi. Middle East a CIA nasepna in Chinese “technicians” leh “advisors” tampite zin-le-vak uh ahih dan theikhia uhi. China in Arab gamte ah hii-galthuam (bacteriological agents), Migs, Hind gunships, Tanks and Missile launchers khong thon (supply) zel hi. “Chinese nukes” hilou a “Soviet Nukes” a zath sese jiak ahih leh, Tumlamgam-suahlamgam kitanauna (East-West relations) zuauthu toh suksiat a tupna jiak ahi.
Huai bomb-lute ahih leh, Dragon’s Triangle a Soviet Submarins apan gukkhiak/pikawi ahi hi. Dragon’s Triangle kichi ahihleh Pacific Tuipi munkhat, Leipuamite thuneihkhumna mun ahia, tawlkhat Russian submarines ten a vehmun mahmah uhi. Bomb-lu 900 vel leh long (sub.) 13 mansuah nung in, Russian Sepaihliante tuh huai kim nungngatsan dia thupiak ahi uhi.
Leipualam tech musuahte laka a thupipen ahih leh millimeter 2 a lian, khuak bawltawn a lum ahi. Huaibel nakvang sung apan thunlut ahia, huchibang khuaklem vuaha om mite hi agal apan etkai (monitor) leh thunun (control) theih uhi. CIA leh Canada Govt. in kum tamtak lungsimlam-suak-le-sal (mind-slave experiments) etkhiakna nasatak in nungthuap/phungvuh uhi. Tulel in University of Ottawa tuh ELF wave mind control program ah kihahpei mahmah a theih ahi. Huaituh CIA patkhiak psychological warfare project, MKULTRA kichi sutzopna ahi. MKULTRA ahih leh Montreal a om Allen Memorial Institute apan patkhiak ana hi.
Mihing khuak wavelength toh waveleng kibang in ELF signalte khakkhiak in om a, huchi in, mihing a testna dia kizang pen tuh researchers ten control thei uhi. Huai leipuamite khuaklem (alien implant) pen leng hiai ELF toh akibang ahi, himahleh leipuamite khuaklem pen a neu zothamtham kia hilou in khuakkawm mahmah ah koihtheih hi. Vangphathuai tak in huai khuaklem mihing taksa tung a om leh omlouh MRI scan bawl in theih theih hi. Hiai khuaklem taksa tung a vomsak a om mihing khatpeuh tuh ZOMBIE a kichi hi. ZOMBIES te zang in mihingte tuh nuaichimit hong hipah ding uhi. China in Middle East a lakzoh chiang in Europe hon dou ding hi. Huaitoh kiton in, Chinate hii-galthuam, za-awng a kikoihte tuh arctic kapna a zath ahi ding hi. Huchi in huih in a natnahik tuah in Russia leh North America tunpih ding hi. Ni tomchik sung in million za-tampi tuh si-luang suak ding ua, a suakta om sunte lah Chinate, leipuamite leh ZOMBIES toh kinawk ngai ding hi.
Leipuamite’n Leitungbup kidouna thupitak ommasak deih uhi, huchi hileh amau hong kuan (dou) taktak chiang un, ana nangtu ding gina om nawn kei dia, nuamtak in leitung lapah thei ding uhi. Leipuamite’n, hiai dan tactic hun paisa ah Nazi Gernamy toh pang in ana pan khin uhi. Huailai in Hitler na vualzou bang hita leh, leitung mite khum-bi-chilh a omin, leitung a milip hong tawm chiang in, leipuamite’n hong luah dia a kigel khawl ana hi hi. Leipuamite ahih leh mihingte omma kum million a sim bang ana omkhinta ua, dinosaurs te toh akhang uh upat dan kikim hi. 67.5 million khong paisa in inter dimentional war thupitak ana oma, hiai kidouna in leipuamite khosakna (civilization) tampi ana susiat banah hiai Leitung apan nohkhiak in om uhi. Tu in hiai Leitung, nidang a ana luahnasa gam uh lakkik hon sawm nawnta uhi.
T20180331T
Aliens - Leipolam/Leipuamite
Agency – vanzat/semte
Controversial – pomsiamhak
Revolution = kipumkhehna
Ideological = ngaihdan-paipih
Agreement – thukhun /
Agree – pompih / thukimpih/
Warheads – bomb-lutang
Iron-fist – sik-khuttum
Destined - manoh
Disinformation – zuauthu
Implants – khuaklem /taksa sunga kikoih
gun-ship: pumpi-longleng
Laibu Saal / Zomi eLibrary
