SIAMSIN TALK
A theihhuai "Kawl Buddhist numeite a tuamdiak kitenna upadi"
Agelh ~ Lia Mawi Biak Sang (Sangnu)
ONE:
A theihhuai 2015 kumin a kipuah(update) thak ahi "Kawl Buddist numeite a tuamdiak kitenna upadi"(ျမန္မာဗုဒၶဘာသာဝင္မိန္းမမ်ား အထူးထိမ္းျမားျခင္းဆိုင္ရာ ဥပေဒ) pen 1954 kum pek panin a om khin upadi hita mahleh, kisapna leh kicin lohna tuamtuam om hi, cih tawh 2015 kum August 26 ni-in athakin aki kipsakbeh upadi khat hi. Hih lai banghangin hong gelh kahiam cihleh Myanmar Buddhist numei khat na tenpihma-in na theih limlim nading ka deihman hi.
TWO:
Hih upadi "ျမန္မာဗုဒၶဘာသာဝင္မိန္းမမ်ား အထူးထိမ္းျမားျခင္းဆိုင္ရာ ဥပေဒ" sungah khenpi 9 leh Section 41 om hi. Ahih hangin hih kong gelhna ah khenpi 4; Section 19 leh 20 na," Buddhist ahilo pasal zuihding thute"(ဗုဒၶဘာသာမဟုတ္သည့္ေယာက်ာ္းလိုက္နာရမည့္အခ်က္မ်ား) leh khenpi 8; Section 33, 34, 35 na "Mawhna leh danpiakna"(ျပစ္မႈႏွင့္ျပစ္ဒဏ္မ်ား) cihte hong gelhkhawm ding hi ing.
Three:
Section 19;
Hih upadi tawh a kitengkhin (akl) a kiteng hi, ci-a kingaihsunsate ading Buddhist a hilo pasalte in Myanmar Buddhist Numeite ii upna biakna tawh kisai in;
(က) Myanmar Buddhist Numeite amau upna biakna ah suakta takin biakpiak khuan piakkul hi.
(ခ) Myanmar Buddhist Numei tawh aneih ahi, tanu tapate pen amau utna biakna-ah suakta takin biakpiak khuan piakkul hi.
(ဂ) Zi leh pasal tenna inn ah Myanmar Buddhist Numei in Buddha milimte, tattungte(ေစတီ), a pasian limte leh Buddha tawh kisai vanzat tuamtuamte koihkhuan leh biakkhuan piakkul hi.
(ဃ) Myanmar Buddhist Numeite ii piakkhiatna, a pasian biakna, pasian lai simna, khitang khinna, pasian thu ngaihna, pasian biakinn-ah a paina, sabbath tanna, Buddhist laite sinna, simna, ngaihna, Buddhist upna tawh kisai na sepna a tuamtuamte-ah sepkhuan piakkul hi.
FOUR:
Punishment Sec 33:
Buddhist ahilo pasal in hih a tunga section 19 (က), (ခ), (ဂ), (ဃ) aa kigelh thuteng pan khat limlim a palsat leh thong a tampen kumkhat kia bektham loin, sum a tampen teng 5 liaukha ding hi.
(င) Myanmar Buddhist Numeite Buddhist a upna le biakna pen lamkhat peuhpeuh tawh nusia sakin, nang upna-ah laihsak ahi zongin, a dang upna khat peuhpeuh-ah laihsak ahi zongin tuadanin kilaihsak theilo hi.
Punishment Sec 34:
Buddhist ahilo pasal khat in hih a tunga thu a palsat leh thong atam pen kum 2 kia bektham loin, sum a tampen teng 20 liaukha ding hi.
(စ) Buddhist biakna simmawh nopna tawh na zi ii biakpiakna mun ahi zong, a thupitsak vante ahi zong, susia (akl) suplawh aa a kisiat nang (akl) kisusiasak cihbang kihih theilo hi.
(ဆ)Myanmar Buddhist Numei ii a biakna, upna pen kam tawh ahi zong, lai tawh ahi zong, a kilang lim tawh ahi zong, gamtatna tawh ahi zongin kisimmawhbawl sak theilo hi.
(ဇ) Myanmar Buddist Numei asih ciangin Buddhist biakna ngeina tawh kivui khuan piakkul hi.
Punishmet Section 35;
Buddhist ahilo pasal in hih a tunga Sec 19(စ),(ဆ) leh (ဇ) a kigelh thu khat limlim a palsat leh thong a tampen kum 2 kia bektham loin, sum a tampen teng 15 liauding hi.
Section 20;
A dang akizang laitak Upadi (akl) ngeina te'n bangbang citamahleh hih upadi tawh akiteng khin Buddhist a hilo pasal in Section 19 aa kigelh ahi thu khat peuhpeuh a palsatleh, Myanmar Buddhist Numei in Buddhist ahilo a pasal tawh kikhen thei hi. Tua a kikhenna hangin azi in a pasal akhen leh,
(က)Tua pasal in nupa neih van pan amah ngah ding gamh-te nusia bektham loin, Myanmar Buddhist numei tungah supman liausum pia ding hi.
(ခ) Myanmar Buddhist Numei in ta khempeuh kepkhuan ngah ding hi.
(ဂ) Tua pasal in kumcing nailo tate ading naukep man pia ding hi.
(Note: Lia Mawi Biak Sang, Sangnu in Shalom EBC biakinn, Yangon ah 10 February, 2018 ni in kibawl "Siamsin Talk" (Siamsin Holimna) ah a thugen ahi hi. Ama hong at hipah hi.)
