A NATNA LAM NONG MEK NAILOH PI
Agelh ~ Khoi Lam Thang
Ei mihingte midangte in hong phat leh a zadah kuamah i kei hi. Midangte’ theihsiamna - recognition /todtrSwfjyKjcif; - a lamen dente ihi hi. Mite’ thupi sim ding i ut ciat hi.
Nupa kikal phadiak, na khat peuhpeuh ‘ahi ding mah hi’, ci loin, na nengno khat nangawn thak bawlin, lungdam kikoh den ding thupih hi. “Lungdam mahmah” cih ding cilbawl kei in. Khat le khat kiphat-in, itna kilangsak den ding thupi hi. “Hong it ing” kicih ding zum ngaihsut ken. Zang ziahziah in. Bei thei lo a, kicimtak thei lo hi.
Itna satsuah den kei leng KHING thei hi. Itna a kiam le nupa kal kizopna KHING thei a, nupa kal kizopna KHING leh itna KIAM hi. “Ka kha ka tam” cih kithei lo - indifferent - “nuam maw dah maw” telmel om lo nuntakna pen a KHING nuntakna ahi hi.
Khatvei papi khat in a khe hek-in nasa mahmah hi. A zi in zong nitak thapai a ihmut suah ngeungeu dong tuilum le Tayzawbalm tawh mekmeksak-in, khua a zat ciangin lupna zuan pan uh hi. Zingsang a thawh ciangin inntek nu in “Papi! na khe a nuamtuam deuh na? Zanitak thapai kong mekmek sak ci buang leeng” a cih leh, a pasal in, “A natna lam nong meksak nailoh pi …” cih sak hithiat khiamawk hi. Ei e!!!
Laibu Saal / Zomi eLibrary
