BANGHANG JESUH LEITUNGAH HONG PAI-2
Agelh ~ Kap Za Khai
……AZom…….
21. Amah bek diktanna le siangthona cih hong theisak nading: Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi. (1 Kor. 1:30)
22. Amah bek hauhna ahihna hong theisak dingin: A na ka sep i Topa in ama hauhna tawh kizui-in Khrih Jesuh hangin note’ kitangsapna khempeuh hong pia ding hi. (Fil. 4:19)
23. Amah bek tuu cing hoih ahihna hong theisak dingin: “Kei, tuucing hoih ka hi hi. Tuucing hoih in a tuute sihpih ngam hi.” (Jn. 10:11)
24. Amah bek tuu kong ahihna hong lak dingin: Tua ahih manin Jesuh in amaute kiangah thu genkik leuleu a, “A mantakin ci lehang, kei pen tuute’ paina kongpi ka hi hi.” (Jn. 10:7)
25. Amah bek ukna nei ahihna i theih nading: Vantungah ukna, aana, vangliatna a neite khempeuh tungah Khrih in ukna aana nei lai a, hih leitung bekah hi loin a hong tung ding leitungah zong amaha lianpen ahi hi. (Efe. 1:21)
26. Biakpiakzia hong hilh dingin: Pasian pen Kha ahi hi; amah a biate in tua Kha’ lamlahna le thuman taktak tawh a bia ding uh hi, a ci hi. (Jn. 4:24)
27. Daihna hong pia ding: Mihingte in a theihtel zawh loh Pasian hong piak lungsim nopna in, Khrih tawh na kipawlna uh hangin note hong lungnuamsak ding hi. (Filippi 4:7)
28. Damna khempeuh hong pia dingin: Mittawte in khua mukik a, khebaite pai thei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un. (Matt. 11:5)
29. Deidanna nei lo Pasian hong lak dingin: “… amah in mihoihte le misiate tungah a kibangin ni taangsak khawm a, a gamtat phate leh a gamtat siate tungah zong a kibang mahin guah zusak khawm hi.” (Matt. 5:45)
30. Ei le ei i kipanpih theih nadingin: Khatlekhat maitai takin zinleleeng na kido un. Pasian’ piak na a zatsiamte bangin Pasian’ kiang panin na ngah uh nate midangte’ phattuam nadingin na zang un. (1 Pet. 4:9-10)
31. Eite lamah palai hong sepsak dingin: Ahi zongin mi khatpeuh a khialh ciangin eite adingin Pa Pasian kiangah a hong thumsak dingin a thuman Jesuh Khrih i nei hi. (1 Jn. 2:1b)
32. Eite minthan nading: Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi. (1 Pet. 5:10)
33. Eite Pasian kiangah hong tonpih dingin: Khrih mahmah zong note adingin si a, Pasian kiangah hong tunpih theih nadingin mihoih khat pen mihoih lote mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi (1 Pet. 3:18). Ahi zongin a gamlapi-ah a om ngei hinapi-in tu-in Khrih Jesuh tawh na kipawlna hangun ama sihna in Pasian kiang hong tunpih hi. (Efe. 2:13)
34. Eite sungah hong omkhawm dingin: Banghang hiam cih leh keima minin minih le thum bek nangawn a kikhopna peuhpeuh ah kei ka om hi, a ci hi. (Matt. 18:20)
35. Eite tawh hong omkhawm dingin: Nungak khat gai-in tapa khat nei ding a, ama min dingin Emmanuel kiphuak ding hi, ci hi. Emmanuel a khiatna in, eite tawh Pasian hong omkhawm hi, a cihna ahi hi. (Matt. 1:23)
36. Eite zong ama ai-awh ihihna hong theisak nading: Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un. Tua ciangin note tungah ka hong gen thute khempeuh a zuih nadingun na hilh un. (Matt.28:19, 20)
37. Eite’ ai-awhpa ahihna hong lak nading: Eite’ mawhna hangin a si dingin Jesuh kipia a, Pasian tawh eite i kipawl theih nadingin kihingkiksak hi. (Rom. 4:25)
38. Eite’ limpha dingin: Khrih mahmah in zong note adingin thuakin, ama khekhap na zuih theih nadingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi. (1 Pet. 2:21)
39. Haksatna sungah Pasian tung lungdam theih nading: Ahi zongin Khristian hihna hangin gimna na thuak uh leh kuamah in maizum ngaihsut kei unla, Khrih min hangin na thuak manun Pasian tungah na lungdam un. (1 Pet. 4:16)
40. Hehpihna leh cihtakna pia ding: Pasian in Moses tungtawnin Thukham hong pia a, ahi zongin Jesuh Khrih hangin hehpihna leh cihtakna thu hong pai hi. (Johan 1:17 TEV)
41. Hihna bangbangah i lungkim theih nading: Bangbang in om taleng a lungkim thei dingin a kisinsa ka hih manin hih bang ka hong gen ciangin ka kitangsapna a hong pulak nuam ka hi kei hi (Fil. 4:11). Sum deihluatna tawh na kipelh nadingun na nuntakna uhah kikem unla, na neihzah uh tawh lungkim un. Pasian in, “Note ka hong nusia ngei kei ding a, ka hong tamasak ngei kei ding hi,” hong ci hi. (Heb. 13:5)
42. Hunbup Pasian ahihna hong theisak dingin: A beisa hun, tuhun, le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi. (Mang.1:8)
43. I kiniamkhiat theih nadingin: Pasian in ama hoihsak hun ciangin note hong laptoh theih nadingin a thahat Pasian’ khutnuai-ah kiniamkhiatin na om un. (1 Pet. 5:6)
44. I kisialhna amah bek ahihna i theih nading: Ahi zongin keimah in ahih leh, singlamteh tungah i Topa Jesuh a sihna thu bek ka kisialhpih ding hi. (Gal.6:14a)
45. I lungkhamnate hong dawn dingin: Pasian in note hong kem ahih manin na lungkhamnate khempeuh uh ama kiang tunpih un. (1 Pet. 5:7)
46. I lungtang hong puahphasak hi: Note sungah lungtang thak leh lungsim thak kong guan ding a, na suang lungtang uh hong lakkhiatsakin mihing lungtang kong guan ding hi. (Eze. 36:26)
47. I tuak ding ni adingin i kiging den nading: Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un. (1 Pet. 4:7)
48. Jesuh hangin nuntakna i ngah nading: Pasian in eite hong itna hong bangci lah hiam cih leh: Ama hangin eite in nuntakna i ngah theih nadingin a Tapa neihsun Pasian in leitungah a hong paisak hi. (1Johan 4:9)
49. Jesuh’ thu i mang nading: Pa Pasian in ama ngimnasa bangin note hong teel a, note in Jesuh Khrih’ thu mangin,… (1 Pet. 1:2)
50. Kha Siangtho i ngah nadingin: Tua ahih manin thuman hong lak ding Kha Siangtho hong tunciangin thu khempeuh amanin hong hilh ding hi. (Johan 16:13)
51. Kha Siangtho letsong i ngah nading: Mi khempeuh adingin phattuamna a om theih nadingin Kha Siangtho’ hong ompihna a nam tuamtuamin hong kilang hi. Kha Siangtho in mi khat tungah thuthuk pilna hong guan a, tua Kha Siangtho mah in adang khat tungah thugen siamna hong guan hi. A sang khat tungah upna hong guan a, adang khat tungah cina damsak theihna hong guan hi. Adang khat tungah na lamdang bawl theihna, adang khat tungah Pasian’ thu hilh ding siamna, adang khat tungah Kha Siangtho piak siamna ahi leh ahi lo khentheih nading siamna, adang khat tungah pau lamdang pau theihna, adang khat tungah tua pau lamdang tuamtuam paunate a khiatna gentheihna hong pia hi. Hih siamna a tuamtuamte hong pia pen Kha Siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi. (1 Kor. 12:7-11)
52. Kha Siangtho tawh i kidim nading: Zu in mi siasak thei ahih manin zu ne kei unla, Kha Siangtho tawh a kidimin omzaw un. (Efe. 5:18)
53. Kha Siangtho teenna i hihna hong theisak dingin: Na pumpi uh, Pasian in a hong piak, note’ sungah a teng Kha Siangtho’ biakinn ahih lamtak thei lo na hi uh hiam? Note’ pumpi, nomau’ neihsa hi lo a, Pasian a’ ahi hi. (1 Kor. 6:19)
54. Khrih’ pilna ngah nading: Ahi zongin Pasian in a hong sap ei Jew mite le Gentail mite adingin Khrih pen Pasian’ vangliatna leh Pasian’ pilna ahi hi (1 Kor. 1:24). Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi. (1 Kor. 1:30)
55. Khuavak le lamlakpa ahihna hong lak dingin: “… Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi. (Jn. 8:12)
56. Kideidanna om nawnloh nading: Tua ahih manin Jew mi leh Gentail mi, sila le sila ahi lo, numei le pasal cih bangin ki deidanna om nawn lo a, note khempeuh Khrih tawh na kipawlna hangun pawlkhat hi-in, a kibangkim na hi uh hi. (Gal. 3:28)
57. Kihingkiksakna ngahte ihihna theih nading: Banghang hiam cih leh Adam tawh a kizop manin mi khempeuh si a, tua mah bangin Khrih tawh a kizom khempeuh zong kihingkiksak ding hi. (1 Kor. 15:22)
58. Kilawmtatna neih nading: Nasemte in a tote’ nasepna bangmah thei lo ahih manin note pen nasemte ka hong ci nawn kei ding hi. Ka Pa’ tung panin ka zak thu khempeuh note kiangah hong genkhin kahih manin note, lawm, ka hong cizaw ding hi. (Johan 15:15)
59. Kilemna hong bawlsak pa ahihna hong lak dingin: … Pasian in mite’ mawhnate ngaihsun nawn loin, Khrih hangin leitung mi khempeuh le amah a kilemin hong bawl a, tua kilemna thu a gen dingin kote hong seh hi. (2 Kor.5:19)
60. Kipatna le A tawpna ahihna hong lak dingin: “Lau kei in; kei pen a kipatna le a tawpna ka hi a, a nungta mipa zong ka hi hi.” (Mang. 1:17)
61. Kithumangna neih theih nading: A kuamah peuh in hong ukte’ thu na mang ciat un. (Rom. 13:1a; Titus 3:1-2)
62. Kumpi ahihna hong theisak dingin: “Pasian in Topa’ tangin a hong pai kumpipa, thupha pai tahen. Vantungah nopna om hen la, Pasian’ min thang ta hen,” ci-in a awng uh hi. (Lk. 19:38)
63. Lametna i neih nading: Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi. (Heb. 6:18b; 1 Pet.1: 3-4)
64. Lampi thak hong honsak dingin: Ama pumpi mahmah ahi dalna puan tawnin nuntakna lampi-ah i pai theih nadingin amah in lampi thak hong honsak hi. (Heb. 10:20)
65. Lampi, thuman leh nuntakna hong lak ding: Jesuh in ama kiangah, Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung theilo ding hi. (Johan 14:6)
66. Leitung mawhna a puakhia ding: A zing ciangin Johan in ama kiangah Jesuh hong pai a muh ciangin, En un, leitung mawhna a lakhia Pasian Tuuno hih lai-ah hong pai hi. (Johan 1:29)
67. Leitung mite tatkhiat nading: Leitung mite mawhsakin thukhen dingin a hong pai ka hi kei a, a honkhia dingin a hong pai ka hizaw hi. (Johan 12:47)
68. Leitung vangliatnate susia dingin: Eite adingin a hoih lo, i mawhna a kiciamtehna khempeuh, hong phiatsak a, tuate singlamteh tungah kilhcipin a beisakta hi. Amah in huihlak a ukte leh vangliatna a nei khempeuh, singlamteh tungah zogawp khin a, galzote in a sal matte a kaih uh bangin mi khempeuh muhin a gualzawhna a lak hi (Kol.2:14-15). Hih Dawimangpa nasepna a beisak dingin Pasian Tapa a hong pai hi. (1 Jn.3:8b)
69. Leitungbup ah a kithehthang a tuute a kikhawmkik dingin: Jew mite ading bek hi loin a kithehthang Pasian mi khempeuh pumkhat a suah nadingin a kikaihkhop nading thu zong a genkhol ahi hi. (Jn.11:52)
70. Lungdamna thu tungtawnin Pasian vangliatna a kilat nading: Bang hang hiam cih leh sihna a thuak mite adingin singlamteh tungah Khrih sihna thu pen a haihuai thu ahi hi. Ahi zongin hotkhiatna a ngah eite adingin Pasian vangliatna ahi hi. (1 Kor. 1:18)
71. Lungsim khuavak i ngah nading: Khuamial sung panin khuavak taang hen, a ci Pasian mah in Jesuh maitang a taangsak Pasian vangliatna thu theih nading khuavak ka ngah theih nadingun kote lungsim sungah khuavak hong taangsak hi. (2 Kor. 4:6)
72. Lungsim siangthona i neih nadingin: Tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw dinga, a nungta Pasian na i septheih nadingin bangmahin a kimanglo nasepna panin ama sisan in i lungsim hong siangsak ding hi. (Heb.9:14)
73. Mawhmaina i ngah nading: A mawhna a khialhna uhah amaute ka hehpih ding a, tua bangte phawkin ka nei nawn kei ding hi, na ci hi. (Heb.8:12)
74. Mawhna pan hong honkhia dingin: Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Jesuh na phuak ding hi, ci-in thu a gen hi. (Matt. 1:21)
75. Mawhna sal pan i suahtak nading: Mi khatpeuh in amaute suksiat ding hanciam leh amaute kam panin meikuang pusuakin a galte adangtum hi. Amaute suksiat ding a hanciam peuhpeuh tua bangin kisusia hi. (Mang. 11:5)
76. Mawhneite hong tan khia ding: Khrih Jesuh, mawhneite a honkhia dingin leitungah hong pai hi, cihna thu a man hi a, a up huai a sanhuai thu ahi hi. (1 Tim. 1:15)
77. Mawhsakna i thuaknate hong puakkhiatsak nading: Pasian in mawh lo hi, ci-in a gen khitsa ahih manin, Pasian teelsa mite tungah kua in mawhna guanthei nawn ding ahi hiam? (Rom. 8:33)
78. Mi gina i hih theih nading: Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh hi. (Kol. 3:12; 1 Tim. 6:11)
79. Mi hoihlote’ kisikkik nading: Mite in a zahtak mihoihte a kisik nadingun a sam dingin hong pai ka hi kei a, mite in a pampaih mite a kisik nadingun a sam dingin a hong pai ka hi hi. (Luka 5:32)
80. Mi khempeuh in tawntung nuntakna ngah nading: Pasian in leitung mite hong it mahmah ahih manin amaTapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi. (Johan 3:16)
81. Mi khempeuh khuavak pia ding: Ama gen khuavak taktak pen zong leitungah hong tung khin a, mi khempeuh a taan khin hi. (Johan 1:9)
82. Mi siangtho i hih nading: Ama mai-ah eite pen paubaanna a nei lo, mi siangthote ahi ding le Khrih hangin ama mite ahi dingin leitung a pianma pek nangawnin Pasian in a hong teelsa ih hi. (Efe. 1:4; Kol. 3:12)
83. Mi tampi tanin a si dingin: Mihing Tapa zong nasem nei dingin hong pai hi loin mi dangte ading na semin, mi tampi tat nading a si dingin a hong pai ahih mah bangin note zong a tuaci ding na hi uh hi, a ci hi. (Matt. 20:28)
84. Mihingte mithak suak nading: Tua ahih manin mi khat peuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi. (2 Kor. 5:17)
85. Minamte khempeuh sungpan mi khempeuh a teelkhia dingin: Amaute in la thak khat sa uh a, Nang Tuuno, tua laizial a lakhia ding le a ciamtehnate a lakhia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a, Pasian na a sem dingin siampi za le kumpi za na pia a, amaute in leitung ukin a om ding uh hi, a ci uh hi. (Mang.5:9-10)
86. Minamte kikal a om kigal neihna khempeuh a susia dingin: Khrih mahmah in Gentail mite le Jew mite pawlkhatin hong bawl ahih manin eite tungah nopsakna a hong piapa ahi hi. Hih minam nihte khenin gal a piangsak dalna pen Khrih in ama pumpi tawh a satkham hi. Amah tawh kipawlna hangin minam nihte pawlkhat a suah theih nadingin minam a dei Jew Thukham leh a ngeinate khempeuh phiatin, eite pawlkhat hong suahin a hong kilemsak hi. Singlamteh tungah a sihna tawh Khrih in kilangneihna beisak a, tua singlamteh hangin minam nihte pawlkhat suahin Pasian kiang a tunpih hi. (Efe.2:14-16)
87. Mite’ sawlna mang ding: Bang hang hiam cih leh Mihing Tapa zong, midangte amana a semsak dingin a hong pai hi lo hi. Midangte na a sem ding le mi tampi a tatkhiat nading ama nuntakna a pia dingin a hong pai ahi zaw hi, a ci hi. (Marka 10:45)
88. Mite’ vangik dawnin tawldamna pia ding: Na semin vangik pua-in a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi. (Matt. 11:28)
89. Mithak nam pawl ihihna hong lak dingin: Vun ki-atna leh ki-at lohna a thupi om tuan lo a, mi thak nam pawl hih ding bek a thupi ahi hi. (Gal. 6:15)
90. Na hoih/gamtat hoih i neih nading: Eite a hong bawlpa pen Pasian hi a, Jesuh Khrih tawh i kipawl ciangin i nuntakna-ah gamtat hoih a nei dingin a hong bawl ihi hi. Hih pen eite’ omzia dingin a na ngaihsut kholhsa ahi hi. (Efe. 2:10)
91. Na khempeuh eite hong piakhia dingin: Ama Tapa nangawn siit loin eite khempeuh adingin hong piakhia ahih manin, na dang khempeuh zong hong piazaw kan ding hi lo ahi hiam? (Rom. 8:32)
92. Na khempeuh in amah lamet nading: Pasian’ bawlsa khempeuh in Pasian’ tate a hong kilahkhiat hun ding lawp mahmahin a ngak uh hi. (Rom. 8:19)
93. Na khempeuhte’ lutang ahihna hong lak dingin: Pasian in Khrih’ khenuai-ah na khempeuh koih a, thu khempeuhah pawlpi’ lutang dingin Khrih a bawl hi. (Efe. 1:22)
94. Na sem den Pasian ahihna hong lak dingin: “…Ka Pa in tuni dongin na sem tawntung ahih manin kei zong ka sep ding mah ahi hi.” (Jn. 5:17)
95. Nasep hanciam mi i hih nading: Thadah kei unla, nakpitakin na sem un. Lawp mahmahna lungsim tawh Topa’ na sem un. (Rom. 12:11)
96. Nitawpni thukhenna sungpan hong honkhia dingin: Mi khempeuh khatvei si-in, tua khit ciangin Pasian thukhenna a thuak ding ahih mah bangin, mi tampite mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi. (Heb. 9:27-28)
97. Nuntakna an le tui hong pia dingin: Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.” (Jn. 6:35)
98. Nuntakna bucing ngah nading: Kei ka hih leh tuute a nungta maimai bek hi loin nuntakna cingtak a neih theih nadingun a hong pai ka hi hi. (Johan 10:10)
99. Nuntakna hong pia dingin: I mawhna hangin kha thu tawh kisai-in misi ihih laitakin Khrih tawh eite hong nungtasak hi. (Efe. 2:5)
100. Nuntakna kicing neih nading: Khrih tawh na kipawlna hangun nuntakna kicing na nei uh hi. (Kol. 2:10a)
101. Nuntakna lukhu i ngah nading: Na sih dongun kei tungah hong citak un. Tua hileh nuntakna lukhu ka hong pia ding hi. (Mang. 2:10)
102. Nuntakna singgah i nek theih nading: A gualzo mite tungah, Pasian’ Huan sunga om nuntakna singgahte a nek theih nadingun thu ka pia ding hi. (Mang. 2:7b)
103. Nuntakna tui pia dingin: “..ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi. (Jn. 4:14)
104. Pa in eite mun hong tuahsak khitna i theih nading: Amah in khuamial vangliatna panin eite hong honkhia-in, a lung muanhuaina mun, a it a Tapa’ ukna sungah hong koih a, tua a Tapa in eite hong khahkhia a, i mawhna hong kimaisak khinta hi. (Kol. 1:13)
105. Pasian deihna i theih nading: “…Lungdam tawntungin, thu ngen niloh unla, bangbang hong piang taleh na lungdamna uh Pasian tungah ko tawntung un. Khrih Jesuh tawh kipawlin na nuntakna sung uhah hih bangzia-in na om ding uh Pasian in a hong deih ahi hi.” (1 Thess. 5:14-18)
106. Pasian i thuman hong hilh dingin: Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin Pilat in, “Thuman na cih bang ahi hiam?” ci-in a dong hi. (Jn. 18:37,38)
107. Pasian itna hong lakkhia ding: Ahi zongin eite mawhna nei ihih laitakin eite adingin Khrih hong si ahih manin Pasian in eite hong it mahmahna thu hong lak khin hi. (Rom 5:8)
108. Pasian kepna i ngah den nading: Leitung panin amaute na lakkhiat ding a hong ngetsak ka hi kei a, a Gilopa’ bawlsiat nading panin na kep ding a hong ngen ka hi hi. (Jn. 17:15)
109. Pasian leh mihing kilem nading: Hih thu khempeuh Pasian vaihawm hi a, eite pen Pasian gal hinapi-in Khrih hangin amah tawh a kilem mi hong hisak a, kote tungah tua kilem nading nasep hong pia hi. (2 Kor. 5:18)
110. Pasian limlemel hong lak ding: Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi. (Johan 1:18)
111. Pasian lungdamna eite in zong i ngah theih nading: Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi. (Heb. 12:2)
112. Pasian minthan nading: Midangte in gamtatna hoihte uh a muh ciangin vantungah a om na Pa uh min a phat theih nadingun mite mai-ah na gamtat hoihna uh khuavak bangin na kilangsak un (Matt. 5:16). Ahi zongin Jesuh in tua thu a zak ciangin, “Hih natna pen sihna ding natna hi lo a, Pasian’ Tapa in Pasian’ pianzia a neihna mite in a theih nading, leh Pasian a phattheih nadingin a na ahi hi,” a ci hi. (Jn. 11:4)
113. Pasian om takpina teci i theih nading: Inn khempeuh a lam na om ciat sam a, ahi zongin na khempeuh a piangsak pa pen Pasian ahi hi. (Heb. 3:4)
114. Pasian’ itna alian mahmah denna le mawhneite adingin hehpihna om den ahihna honglak dingin: Ahi zongin eite mawhna nei ihih laitakin eite adingin Khrih hong si ahih manin Pasian in eite hong it mahmahna thu hong lakkhin hi (Rom. 5:8). Khrih hong sihna hangin eite in suahtakna ngahin, i mawhna hong kimaisak ahi hi. Tuazah dongin Pasian hong hehpihna thu bangzah takin lian ahi hiam? (Efe. 1:7-8)
115. Pasian’ itna i theih semsem nading: Pasian pen ki-itna ahmanin itna a neilo mite in Pasian thei lo uh hi. (I Jn. 4:8; Jn. 3:16; I Jn. 4:10-11, 16).
116. Pasian’ pianziate i neih nadingin: Amah in piak dingin a hong ciam a manpha mahmah nate hih bangzia-in hong pia a, hih ama hong piak nate hangin leitungah a om siatna a piangsak thei duhluatna le deihluatnate panin na suakta uh a, Pasian’ pianziate na nei uh hi. (2 Pet. 1:4)
117. Pasian’ samsiatna hong puaksak dingin: Lai Siangtho in, Sing tungah a kikhai mi peuhmah Pasian samsiat mi ahi hi, na ci ahih manin eite adingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi. (Gal. 3:13)
118. Pasian’ thusim hong lakkhia dingin: Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khrih tawh a kipawlte in Pasian tawh minthanna ngah khawm ding hi, cihna ah hi. (Kol. 1:27)
119. Piangsakpa ahihna hong lak dingin: …eite adingin Pasian khat bek, Pa khat bek a om hi. Ama adingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesuh Khrih khat bek a om hi. (1 Kor.8:6)
120. Pumkhat i suak theih nading: Pa aw, amaute khempeuh pumkhat a suah theih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen. Nang le kei pumphat ihih mah bangin amaute zong pumkhat a suah theih nadingun keima tungah na hong piak pianzia mah amaute tungah ka pia hi. (Jn. 17:21-22)
121. Sang pen Pasian’ Tapa ahihna i theih nading: Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi. (Matt. 16:16; Mk. 5:7)
122. Satan i do zawh nading: Note pilvangin khua phawk un. Na gal uh ahi Dawimangpa, humpinelkai bangin a nek theih ding zongin vak kawikawi hi. Leitungah thu um dang khempeuh in zong note’ thuak mah bangin a thuak ahihna thu thei unla, na upna uhah kipin Dawimangpa na nial un. (1Pet. 5:8-9; Efe. 6:10-18)
123. Satan nasepte a hemkhia ding: A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa mi ahi hi. Hih Dawimangpa nasepna a beisak dingin Pasian Tapa a hong pai hi. (1Johan 3:8)
124. Siampizaa i ngah nading: Tua ahih ciangin sanggamte aw, Jesuh hong sihna hangin Siangtho Pen Munah ut utin lut theih nading thu i neita hi. Ama pumpi mahmah ahi dalna puan tawnin nuntakna lampi-ah i pai theih nadingin amahin lampi thak hong honsak hi. (Heb. 10:19, 20; 1 Pet. 2:9-10)
125. Sih ding launa pan i suahtak theih nading: Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi. Tua ahih manin sihna a kihtak manin sal bangin a om mite amah in hong suaktasak hi. (Heb.2:14-15)
126. Sihkhit nungah lungmuanna hong pia dingin: Sihna panin Jesuh a thokiksak Pasian Kha Siangtho note sungah hong om leh sihna panin Khrih a hingkik sakpa mah in note sungah a om ama Kha Siangtho mah tawh a sithei pumpi a hong nungtasak ding hi. (Rom. 8:11; 6:5; 2 Tim. 2:11)
127. Sihkhit phet in amah tawh i mang khop theih nadingin: Amah a hong paikik ciangin a hing ihi a, a si ihi zongin amah tawh i omkhawm theih nadingin eite adingin amah a hong si ahi hi (I Thess.5:10). Lungmuang takin a ki-om hithiat hi a, hih leitung pumpi nusia-in Topa tawh omkhawm ding a ki-utzaw ahi hi. (2 Kor. 5:8; Fil.1:21-23).
128. Sihna gam gualzo pa ahihna hong theisak dingin: “Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.” (Mang. 1:18)
129. Sihna pan thokik in gualzawhna lak nading: Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in, ama deihna bangin na na septheih nadingun a kisam thuhoihte khempeuh note tungah hong guanine, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen (Heb. 13:19-20)
130. Suahtakna i ngah nading: Khrih in eite hong khahkhiat khitna hangin mi suaktate hi khinta ihih manin tua suahtakna thu-ah kipin om unla, sila va suakkik nawn kei un. (Gal. 5:1)
131. Sunglam le pualam tawh kisai natnate hong damsak dingin: Ahih hangin eite khialhna hangin amah kiliamsak a, eite mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi. (Isa. 53:5)
132. Tapa cil ahihna hong lak dingin: Khrih pen a kimu thei lo Pasian’ lim hi a, a kipiangsak khempeuh lakah tapa upa pen ahi hi. (Kol. 1:15)
133. Tapa za hong ngahsak pa ahihna hong lak ding: Tua bang hitaseleh ama thu ngai-in amah a um mite khempeuh tungah Pasian’ tate suah theih nading thu a pia hi. (Jn. 1: 12; Efe. 2:19)
134. Tatkhiatna ngah nading hong khak ngeina le vunatnate a beisak dingin: Sanggamte aw, vun-at kisam hi, ci-in a hilh lai hi leng, bang hangin bawlsiatna thuak zenzen ding ka hi hiam? Tua bangin thu a hilh hi leng, singlamteh tunga Khrih sihna thu ka hilhna hangin bangmah buaina a om kei ding hi. (Gal. 5:11; Gal. 6:12)
135. Tawntung inn neite ihihna i theih nading: … mihingte bawl ahi lo, Pasian in a kip tawntung dingin kote adingin a hong bawlsak inn, vantungah a nei ka hihna uh ka thei uh hi. (2 Kor. 5:1)
136. Thawhkikna le nuntakna ahihna hong theisak dingin: Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.” (Jn. 11:25)
137. Theihsiamna tawh piaksiam nadingin: Man piak kul loin hih vangliatna na ngah uh bangin hih vangliatna na zatna uhah zong man va ngen kei un. (Matt. 10:8)
138. Thu ngaihsutna ah khangham nading: Sanggamte aw, na thu ngaihsutnate uhah naupang bang kei un. Gitlohna lamah naupang bang unla, ahi zongin thu ngaihsutna-ah a khangham hita un. (1 Kor. 14:20)
139. Thuciam Lui siampite’ dinmun bei sak-in tawntung sangpen siampi a sem dingin: Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi. Ahi zongin Khrih in mawhna hangin khatvei a piakkhiat ciangin a tawntung adingin kimang ahih manin Pasian taklam ah tu hithiat a. (Heb. 7:23-27; 9:24-26; 10:11-12)
140. Thukham cingsak ding: Moses thukham leh kamsangte thuhilhnate a phiat dingin hong pai, ci-in hong ngaihsun kei un. Tuate a phiat dingin a hong pai hi loin, amaute hilhna a kicingsak dingin a hong pai ka hizaw hi. (Matt. 5:17)
141. Thukham hong khihnate hong hepkhiatsak nading: A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham neilote na hi uh hi. Ahi zongin Khrih hangin Pasian in note hong hingsak a, i mawhna khempeuh hong maisak khinta hi. (Kol. 2:13)
142. Thukhen ding pa amah bek ahihna theih nading: Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi. (1 Kor. 4:5b)
143. Thukhenna thuak loh nading: Amah a um mite in mawhsak thukhenna thuak lo ding uh hi. (Johan 3:18a)
144. Thuman thutak teci a pang ding: Tua ciangin Pilat in, Tua ahihleh nang kumpi hi lo na hi hiam? a cih leh Jesuh in, Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi. (Johan 18:37)
145. Thumangna sin ding le a kicingsak dingin: Amah, Pasian Tapa hinapi-in a thuakna tawh thumang ahih theih nading a na kisin hi. (Heb. 5:8)
146. Thu-um mite ading limpha ahih ding: Khrih mahmah in zong note adingin thuakin, ama khekhap na zuih theih nadingun etteh ding lim hong nusiat ahih manin hih bangin a thuak ding mahin Pasian in note a hongsam ahi hi. (1 Peter 2:21)
147. Topa ahihna hong lak dingin: Jesuh Khrih in Topa ahi hi, ci-in taangko-in Pa Pasian a min thangsak ding uh hi. (Fil. 2:11)
148. Tulaitak a siatnate sungpan hong honkhia dingin: A siahuai tuhun sung panin eite a hong suahtaksak nadingin eite Pa Pasian deihna tawh kizui-in i mawhna hangin tua Jesuh Khrih amahmah a hong kipiatawm ahi hi. (Gal. 1:4)
149. Tuumangte zongin a honkhia ding: Bang hang hiam cih leh a mangthangte a zong ding le a honkhia dingin Mihing Tapa a hong pai ahi hi. (Luka 19:10)
150. Vangliatna hong pia dingin: A gualzo, a tawp dongin keima deihna bangin a gamtazo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia ding a, leibeel satkhap bangin sik ciangkhut tawh minam dangte satgawp ding uh hi (Mang. 2:26-27). Ahi zongin Topa in kei kiangah, “Na tha a nem ciangin keima vangliatna hat mahmah ahih manin nangma kisapna pen keima hehpihna hi bek hi,” ci-in hong dawng hi. (2 Kor. 12:9a)
………zop lai ding……….
