A Theihhuai mahmah Cidamna leh Sex/Zahmawh tawh Kisai
Zomi te zong khang to mah mah ta in lei mong dong ah ki zell ta hi hang a pil a siam mi hau mi min thang mel hoih cih bang zong tam mah mah ta hi hang tua mah bang in siat na lam ah zong ki khang to mah mah ta hi .. guih theih kham theih a ki pan SEX lam nu mei pasal pak tat na zawl gai cih khawng zong ki tam mah mah ta ahih man in deih sak na tak tawh hih bang in kong at khiat a hi hi ,,mi pawl khat te in zum huai a sa kha zong om ding hi a hi zong in ih Zomi sung ah nu leh pa dam lai buang ta te ta gah cih te ka muh ciang in ka kha siat suak mah mah in ka khi tui luang thei zell hi hih thu te ka kan kan ciang in hih bang teng hi leh bang a ci tam maw ci in ka ngaih sun kha zel hi...
Na nu leh pa tung pan in sex tawh kisai genpihna na ngah ngei kei kha ding hi. Na lawmte tung pan hiam? Magazine gina hetlo khawng panin thu hilh na manlo tampi hong ki hilh ding a, ‘sex khawng bangma pi a ngaihsut ding hilo pi’ cih khawngin zolna hong om thei ding hi. ‘Pasal na hihna langsak ve’, ‘it takpi hi teh cih na lahna aive’,mi bang lo hi teh cih na prove na ding in hoih’ cih khawng, tua ciang ‘sex zatloh pen mibat loh na hi’ ,‘ki-it a kingai takpi ih hih leh sex zat khawng bang pha mawh se a hia?’ ci a ong nawk pawlpawl om ding hi.
Bek thamlo in, koppih ding zi/pasal neih masiah bel kikem siangtho ning na cihleh ‘kipiang thak sak’ ‘ki Pasian thu um sak’ cih khawnga kona zong na ngah zell thei ding hi. Hi teng khempeuh pen taksang ding hilo a, a thupi in ngaihsut ding hilo hi. A thupi pen zaw in ahihleh - Pasian ading, leh na lawm nu/pa ading leh nang adingin na kikep siangthona pen hizaw hi. ( huizz... intro sau ei )
SEX PEN:
Zac Poonen in, “Sex zat ding I lunggulhna pen ann leh tawldam ding I lunggulhna mah tawh kibang a, ahizongin hih lunggulhna pen a bawlpa in ama deihna bang taka zat dingin bel geelna na nei hi.” na ci hi. Sex pen numei leh pasal a kiten khit uh cianga zat dingin Pasian in a bawl hi a, Pasian geelna bang taka zatna pen hoih in manpha ahihlai takin, a geelna omsa peel a zatna in I nuntakna a siat nading kipatna bulpi hi thei hi. Sex pen ‘Eden bawlsiatna’ a omma peka Pasian in ana bawl khit ahihmanin sex limlim pen bel a sia hi zenzen lo hi. Siangtho hi. Zatkhialh mana a sia suak bek hizaw!
Sex pen nupa kikalah zatlohin pen a khiatna omlo hi. Nupa kiteng khinsate in pen a koppih kiang ah a itna a lah na ding, aki zop na uh kip in a kho semsem nading leh Pasian thusuak om mah bangin tu leh tate nei in a ki hah sawn na ding in zang zel uh hi. Siangtho in, zong manpha hi. Kitenna pualamah ahihleh bel nuamtual nading ciang bek hi a, mawhna hi. Nungzui hoihlo tampi zong nei thei hi aw.
ITNA LEH SEX:
Tangval tampi in nungakte a khemna uh pen, “Kei nong it taktak leh kei adingin na kiphal kul…” cih hi. Hih pen nungak tampi in taksang in a sianthona uh na tanlawh khin uh a, poi mahmah hi. Itna leh sex pen akizom banga zong ngaihsut theih ahihlai takin atuam tuak ahih lam I theih kisam hi. Nupa kikalah ki-itna a sangpen kilahna in sex hi a, ahizongin itna pa hetlo in zong zat theih veve hi.
Sex zat ding lunggulhna lungsim pen pumpi ci leh sa ki-iplahna pan a hong piang hi lel a, sauvei kimanglo in beipah hi. Itna maan in ahihleh kiten hun ngakzo a, zuau thu tawh luppih hong sawmlo ding hi. ‘I kiten dong ngak zo kei ning’ a cih leh a ngak nuamlo, ngakzawh a sawmlo cihna hizaw hi. Hibang a ama nopsak nadingin van zat in hong zat sawmte pen bel pel zaw lecin na mailam ding hizaw hi.
‘Ki-itna – Kitenna - Sex’ cih pen tuni dongin Pasian deihdan hi lai a, I lehbulh khakloh ding thupi hi. Pasian deihdan I zuihna in nungzui nei a, tuate in – akip akho ki-itna leh kingaihna, lungdamna, kipahna leh thupha tampi ahi hi. A langkhat lamah, I lehbulh khak leh zong tua in nungzui mah na nei a, tuate in – kisikna, mindaina, lungkhamna leh thusia tampi ahi hi.
KOPPIH DING KA NEIH MASIAH BANG HANGIN KIKEM SIANGTHO DING KA HIAM?
1) Pasian deihna ahihmanin –
Kitenna huang sung lo a sex zat pen Pasian deihna tawh kituaklo hi. (Exo 2:14) Pasian in I suahtakna hong gak sak nop man hilo a, nung ciangin I nupa kikal anop zawk nading hi. Nungak tangval lai in sex ana zang ngiengei khinte in pen a kiten khit uh ciangin a koppihte uh muanlahna tawh kidim den ci uh hi.
2) Kisikna, minsiatna, lungkhamna leh thusia tampi tawh na kipelh theih nadingin –
Kiginni zan a tomvei sung I nopsakna pen nipi khawvak(monday)ciangin pen I kisik mahmah na leh I lungkham kipatna hong suak thei hi. Tua manin ahi thei tanah kidek teta pen hoihpen lo hiam? Nuam hilhial in na khangno hun na zat ding pen Pasian hong deihsakna hi. Ngaihsun in, na sianthona leh na minphatna pen kidek zawhlohna tawh na khek ding pen pammaih salo na hiam? Tua ciang, mite in nang pen a ‘easy’ mahmah danin hong gen kei hen. Pasian lim le mel sun a hong kibawl a, ganhing mawkmawk hilo hi teh. Na sungah ki-ukzawhna leh kidekzawhnate zong om hi cih phawk gige in.
3) Hong it man hilo in, ama nopsak nadingin van zat in hong zang cih na phawk ciang a lungsim nat mahmah na tawh na kipelh theih nadingin!
4) Sex zatna hangin nungakte pen naupai vat thei dinmun ah ding gige a hih man in : Naupai kidalna ding zatui leh condom I cihte pawl 100% in muanhuai lo uh hi. Sex zatloh phot pen kidalna dingin hoihpen lai phot hi tuciang ah!
5) Pasian in nang adingin hong geelsak na koppih ding lian mah tawh na kiten theih nadingun!
6) Sex thanghuai tak a zat man a natna lauhuai tuamtuam na ngah khakloh na dingin : Sexually Transmitted Disease (STD) nam tampi in om a, lauhuai thei mahmah uh hi. AIDS I cihte khawng bang zong tutan in a zatui ding kimukhia nailo cih I theih tek sa hi.
7) Na mailam ding (na future) na suksiat loh nadingin!
8) Na it pen mah tawh na damsungin a nuam thei bang pen in sex na zatkhop theih nadingun!
9) Nang hong deihsakte in khangkhat na nuntak sung kisik om hetlo in nuam takin na zat ding kong deihsak manun! hih (9) teng na zuih zawh na ding in bang teng ki sam hiam ????
HAKSA LUA LO DING MAW? BANG CIH DING?
Haksa kha mah in teh, ahizongin hih pen fight taak hi. Pasian kiang panin huhna ngen in la, nangmah mah in zong na lungsim ah khensatna kiptak bawl in. Tua ciangin :
1) Nungak tangval lai a kikep siangtho a hoihna thu 9 (a tunga te) phawk tawntung in).
2) Tv, Internet leh video khawngah sex lam et ki dawm mahmah in.
3) Guihtheih khamtheih tawh kisukha kei in. mi hing te i kham theih a zat ciang in ki control zo nawnlo hi.
4) Lawmngaih na neih leh zong kuama omlohna lam vive ci kei in. Daihna munah ze-etna hat diak hi. Peel in!
5) Zuau thu tawh hong kizolzol thei ding a, neih sa lamsa sum leh pai tawh zong, tua hun ciangin bangci kikep ding cih geel kholhsa in nei in.
PASALTE IN NUNGAKTE A ZOL ZEL DAN UH A TANGPI:
Lumkhawm le hang I ki-itna khang semsem ding hi –
Ee maw… Hong zolna bangin na na luppih ziauziau takpi leh maw… hong pi muh lua nawn khollo ding hi. Zong hong zahtak nawnlo ding hi. Why? numei ‘cheap & easy’ luate kuaman pi muhin zahtaklo pi uh e… thusim khat ong imkhia pak hi ning.
Nong ngaih takpi leh lumkhawm ding hi hang –
Hih kammal hangin nungak tampi a siatlawh khin tam hi. Hibangin hong kicih ciangin “Nong it takpi leh I kitenni zan dong ngak ni. Itna taktak in ngakzo(true love waits) ci uh hilo hiam?” ci inla, hong hehsan leh zong phamawh sa ken. Lungkimlo suakin hong khen leh zong phamawh sa ken. Hong it taktak lo a, luppih ding bekin hong deih cihna hi lel hi. Hibang mi adingin na neih manpha pen na sianthona pia phal ding na hiam?
Khatvei bek, tutung bek! –
Khatvei na piak leh a nihveina in hong zom ngeigei kha thei ding hi. Khatvei bek tawh a lungkim takpi dingin ngaihsun kha ken!
I kiphawk tawntung nadingin e…! –
Natna lauhuai AIDS khawng (0r)nau khawng ong paisak le bel ki nawh phawk bilbel mah ding nai ve vua. Ahizongin hi bang a kiphawkna pen a deihhuai pen hiam cih bel ngaihsut huai...
Na ut kei leh midang zong ding hing –
Halleluiah…Amen! Pheisalawt…Zong sak lel in. Hibang mi, ama angsung bek a theite tawh na nuntak hun sung teng na zatkhop ding pen nang leh nang vangik a kisuan hi lel teh. Paisak lel in... Midang zong lel hen! Topa’n a hoih zaw hong pia na ve…Kiteng le uh cin zong lungkim thei ken teh.
Mite’n zong hih khin lel e! –
Zuau bulomtang hi ei hih thu bel! Zi/pasal neih masiah siangtho taka akikem dinga akiciam leh akikem takpi mi tampi om hi. Tam lua mai!
Lungkham kei in. Condom zang ding I vele, bangmah ci kei ni teh! –
Bangmah ci kei kha mah ni uh teh, tu leh tu in bel. Ahizongin nung ciangin na lungsim nopmawhna leh mawh na kisakna vangikte hong theihpih nawnlo ding a, zong hong thuakpih nawnlo ding hi. Tua manin 100% kidalna hoih pen leh a muantak penin…. sex zat nailoh hi phot hi!
ki ten ma in i kisinna kawmin na zang khawl leng, I kiten khit ciang nuam ding! – Hih thu tawh kisai in bel kithu khual sak a na mabuai keei kullo hi. Kiten khit ciang sin nading hun tam lel, siam manloh nading mahmah omlo kha ding in um ingh kei up mawh na pong in… lungkham dah in!
MAWH KHIN KHIAL KHA KHIN NA HIH LEH!
Koppih ding zi/pasal nei nailo pi in sex ana zang kha khin na hi thei hi. Kamsiatna hangin na ki kep zawh loh khak man in sia vat kha thei… tua manin haksa sapi in a nungta den zong na hi thei hi. Phamawh kei. Nuntakna thak tu-in na nei thei lai hi. Mawh khin khial khin na hih hangin Pasian in hong it lai veve hi. (Rom 5:8). Kisik in, na mawhnate pulak in, Topa kiang lam na zuat naak leh amah in hong maisak ding a, hong hencip thangkhaute hong suut sakin, nuntakna thak suahtakna tawh hong pia khawm ding hi. Lai Siangtho in, mi khatpeuh Khris tawh a kipawl ciangin mi lui ngeinate bei in mi thak suak khinta na ci hiven mate… (II Korin 5:17) Tun bel ka siangtho nei na hih teh a hi thei tan a kikem ta ning na cih theih ding hong thupi ta hi. Topa’n thupha hong pia ta hen!
BONUS: PORN (XXX) kici Sex Video lim hoihlo et a hoihlohna:
1) I ngaihsutna siangtho takte hong nil khiatsak in, a thanghuai pipi tawh hong laihsak hi.
2) Masturbation hong uang sak hi.…
3) Numei/pasal I muh dan hong sia sak hi.
4) Mite pen tua lima I muh bangin a hi takpi ding banga ngaihsutna manlo hong nei sak hi.
5) Porn addict na hih leh na nuntakna tampi hong nawngkai sakin lam hong khial sak thei hi.
6) Pasal in Numei hi le cin Mi na et teh ahilo lam hong musak pahpah thei a, Nisim mawhna tawh na kidim den hi.
BEHLAPNA:
1. Zi leh Pasal na neih ma in Numei pasal vai ah ahi theizah in siangtho in tua ahih kei leh Zi, Pasal na neih hun ah na lungkim zo ngeiloding hi. Gentehna: Aktui pen mi nih in hong bawl, huan leh alimna kibang lo thei a, tuadan mah in Nungak tangval laina ciap kawi2 leh Zi, pasal na neih teh na lungsim khat tawh khamuang thei limsa zoden lo ding na hih manin, ahun omlai in kidawm in.
2. Zi, pasal naneih khit nat leh tuatawh anuamthei pen dingin om in, zi leh pasal kal ah mawhna cih om lo a, ta leh nau neihna ding bek hi lo hi, Khat leh khat taksa deihna kilungkim sakna ding Pasian bawl cih phawk kik in.
Source:
https://www.facebook.com/kap.boih.39
Laibu Saal / Zomi eLibrary
