KUA TENPIH DING?
Agelh ~ Khoi Lam Thang
Zi/pasal ding koi bang mi teel ding i hiam? Singapore-te in 5-C (Car, Condo, Credit Card, Club and Cash) lunggulh masak in nei uh hi.
“Tulai lianu palpan ci leng liangko nambat tuangte ci sese” cih galkap hun a beibei hita a, oabFmom; hun zong a vengveng hita hi. Gamdang pai (a diakdiak in US) te' hun hi ta-a, nungak a deihdeih uh a sin liahliah hun ahi hi. Tuhun ciangin sum bek tawh na khempeuh kituukteh hi.
Hih bang kawmkal ah mi nautaang a dingin zi zon pasal zon ding zong a ol hetlo thukhat ahi hi. Ahi zongin zi le pasal vai a teelthei ding dinmun na hih leh:
a nuaia-te thu 9 te lungngai dih in.
Ka ki-it tuak thei ding uh hiam?
Nuntakna ding a kician hiam?
Biakna kibang (A piangthak) hiam?
Innkuan nuntaknopzia a kibang hiam?
Ngimna leh deihzia a kibang hiam?
Lungsim tawng kipia thei ding hiam?
I innkuanpih ciat in hong awi hiam?
Kei tawh a kituak hiam?
Amah tawh ka kituak hiam?
Hih thute pen tutawm dinmun bektawh saikak lo in kimlepam nuntakzia, teek ciang a nuntakzia ding dong ngaihsun-in khensat in.
Thu khat-ah: Khangluite in nupa dingte Pasian in luaikhat sungah hong veikhawm hi na ci uh hi. Mikangte in “Marriage is made in heaven” ci a, Kawlte in zl;pm ci-uh hi. Pasian hong gelsak zi/pasal mah tuakkha dingin thungetna tawh nungta in. Topa ap in. Na lawmngaih tawh tukhawm in thungen khawm un. Pasian lamlahna ngak un.
Source:
SIHNA IN HONG KHEN MA TENG (Laibu)
Agelh: Khoi Lam Thang
Laigelh siapa in Laibu Saal / Zomi eLibrary ading in phalna ahong piak ahi hi.
cinpuzomi@gmail.com
