US HISTORY AH NASEPNA (JOBS) A PIANGKHIASAK TAM PEN CIAMTEHNA: KUA IN NASEPNA TAM PIANGSAK PEN HIAM?
American presidential history ah nasepna (jobs) tam piangkhia sak pen Bill Clinton (1993-2001) hi. A nasepna piangsak zah uh methodology pen Bureau of Labor Statistics household survey data a kaihkhopna panin a kiciamtehna hi a, special BLS survey 1929 leh 1947 ciamtehna dong etna panin self-employed, private household workers leh temporarily on unpaid leave a omte ki-en in a kiciamteh ahi hi.
Most Number of Jobs Created:
Dem. prez. Bill Clinton (1993-2001) in 18.6 million jobs kibehlapsak ahih manin 15.6% in khangsak ahih manin nasepna tam a khangsak/behlap pen in kiciamteh hi (a percentage a et in a tam khangsak pen thumna or third-largest percentage increase).
A nihna ah Dem. prez. mah Franklin D. Roosevelt in (1933-1945) hi. Great Depression a bei khitin New Deal a pat lawhcing mahmah a, a term masa in 9.5 million jobs kibehlapsak ahih manin 21.5% in khangsak (increase) hi a, a percentage increase in en leng US presidents lak panin tam a piangkhiasak pen hi. A term sungin nasem 38.9 million om hi.
A thumna ah Rep. prez Ronald Reagan (1981-1989) hi a, 16.5 million jobs kibehlapsak ahih manin 16.5% in khangsak hi.
A lina ah Dem. prez. Jimmy Carter (1977-1981) hi a, 9.8 million jobs kibehlapsak ahih manin 10.9% in khangsak hi.
A ngana ah Dem. prez. Harry Truman (1945-1953) hi a, 6.9 millions jobs piangsak ahih manin 13% in khangsak ahih manin a percentage a et in a tam khangsak pen lina hi.
A gukna ah Bush' recession a luahsuk Dem. prez. Barack Obama (2009-2017) hi a, December 2016 bei kuan in 8.9 millions jobs kibehlapsak ahih manin 6.2 percent in khangsak hi. Bush presidency hun in nasem mi 143.4 million panin 152.3 million in kibehlapsak hi.
A sagihna ah Dem. party Lyndon B. Johnson (1963-1969) hi a, 8.6 million kibehlapsak ahih manin 16.6 khangsak hi.
A giatna ah Rep. prez. Richard Nixon (1969-1974) hi a, 9.4 million jobs kibehlapsak ahih manin 12.2 % khangsak hi.
A kuana ah Rep. prez. Dwight Eisenhower (1953-1961) hi a, 4.8 million jobs kibehlapsak ahih manin 7.9% khangsak hi.
A sawmna ah Dem. prez. John F. Kennedy (1961-1963) hi a, 2.4 million jobs kibehlapsak ahih manin 3.7% khangsak hi.
A sawm-le-khatna ah Rep. prez. George W. Bush (2001-2009) hi a, 5.8 millions jobs piangsak ahih manin 4.2% khangsak hi.
Term khat bek president a len (1) George H.W. Bush (1989-1993) in 2.9 million jobs piangsak ahih manin 2.5% khangsak hi. National debts $1.5 trillion behlap ahih manin 54% debts khangsak hi. (2) Rep. prez. Gerald Ford (1974-1977) in 3.6 million jobs ahih manin 4.2% khangsak hi. Rep. prez. Nixon' 1973 recession luahsuak ahih manin national debts $224 billion behlap ahih manin 47% khangsak hi.
Economic growth hun a President len Trump in a president term kum thum sungin 4.7 million jobs piangsak ahih manin 3.1% percent bekin khangsak zo hi. Obama term bei kuan in nasem 152.3 million om khin a, tua panin jobs a behlap pen 3.1% in khangsak zo hi.
A kicing zaw leh kitel zaw in a nuai-a link panin sim theih hi. American job growth pen Twitter huih thau leh campaign rally a zuau bulomtang ki-awngawngte peuh data man (fact) in kiciamteh loin kisim lo a, Bureau of Labor Statistics in official data in a ciamtehna thuman hi ci-in kikipsak hi. American history ah nasepna behlap leh economy khan'sakna ah Republicans ten Democrats party dem zo lo uh a, nation debts (leibat) zong tam khangsak zaw uh cih a ciamtehna om khinsate panin kimu thei hi. Kinial hal zawh man leh gen hat zawh man tawh Bureau of Labor Statistics data records a kilamdang tuam ding hilo hi. Hih records pen February 26, 2020 updated ahi hi.
Agelh ~ Thang Khan Lian #ZUNs
Source:
The Balance
https://www.thebalance.com/job-creation-by-president-by-number-and-percent-3863218
