Zogam Mualdawn Vangkhua
Agelh ~ Hau Thang
Zogam nunnuam, Zolei vangkhua
Miinbang pianna, lamh gialkiatna
Ngilhtheih loh ding, Nun nuam Zogam…
Kiilbang Khanna, Mualdawn Zogam
Vangkhua nunnuam, Ngaihteng kiimna
Tun le Zua leh laizom teng tawh, Nuih ciam lellai
Nun in nuam e, Zogam Vangkhua…
Zanciang zalmang, Mel in muleng
Taikhua val ciang, Sinlai hongphawng
Mualdawn Zogam…
Huih khi dam seem. Huang gelgel tulsing
Zolengthe khuang, Lenkhua muikai
Bengheem in za, Mai mit ah luai
Zuan hong phawng e, Zogam Vang khua…
Zosuan tuai lai, Hanlungciam ni
Giabang zuun leng,Mual kuam Zogam
Niim dildial ding…
Deih angkawi tawh, Vondeih no tawh
Tomkal nunnuam, Pupa gamzang
Adawh neem ah, Lamsai zaihdeih sut ve ni e…
Len cil ngaihno, Sinlai ahthaam
Zogam mualdawn, Solkha tangnuai
Sangbang kinou, Nuih ciam lelna
Zuapa pahtaang, Phalbi daidam
Dumphuan Eizawn, Lunglai ahtaa..
Singdang gam ah, Paal zatam zong
Aikuang Siing kuang, Telkhial kei aw
Zogam Mualdawn, Vangkhua nunnuam
Giabang zuun ding, Zosuan tuailai…
Lungkihual leng, Tungkhai mubang
Vanlai zawlah, Aleng phualva kopbang
Lungtuak suihlung, Hual khawm ding
Zosuan tuailai, Mualdawn Vangkhua
Tuibang kingawm, Dawnbang tuah ding
Zogam Mualdawn, Eiteng vangkhua
Heina peuhpan, Hanlungciam ni…
Laibu Saal / Zomi eLibrary
cinpuzomi@gmail.com
