Mihing Pumpi Sungah Cancer Kihil Zia.
Agelh ~ Siamah Vung Hau Lun
Mangkangte in, “Prevention is better than cure,” a na cih mah bangun natna khat peuhpeuh a pian khit ciang zatui kibawl tawm sangin natna hong pian ma kidal kholh ding a thupi penpen ahi hi. Deihloh penin natna hong pian khit leh zong natna hong pian tuung mahin thei-a kibawl pah pen natna a nasiat khit ciang kibawlpat sangin dam nading baihzaw hi.
Tua hi-a a lauhuai Cancer tuamtuam ngahloh nadingin kidal kholh ding a thupit mah bangin Cancer nei/ neilo cih zong theih baih ding thupi mahmah hi.
Cancer nei/neilo koici theih ding?
1. Bangmahpi seploh hangin gim na kisa den hiam? (Fatigue)
2. Thu omlo pi-in na gawng vat hiam? (Sudden unexplained weight loss)
3. Gil dim suahin om daan nop lo-in na om hiam? (Feeling of bloated or swollen abdomen)
4. Pumpi ah a bawk (ahkl) sabawk khat peuhpeuh hong om hiam? (Thickening or lump in any part of the body)
5. Pumpi tungah a na khat peuhpeuh (gtn; liamma) a dam theilo a om hiam? (A sore that does not heal)
6. Huih khamlo/ naklah/ nawhnak cih bangin na om thei zel hiam?
7. Pumpi tungah na vun (a mel) kikhelna khat peuhpeuh a om hiam? (Skin changes)
8. Zan khua-ulneel kaai-in na ci a sa thei zel hiam? (Fever or night sweat)
9. Dailen hun (ngeina) hong kikhel hiam? (Change in bowel habit)
10. Zunthak hun (ngeina) hong kikhel hiam? (Change in bladder habit)
11. Bukkhuh hun sawt na veilua hiam? (Nagging cough)
12. Anvalh ding haksa na sa hiam? (Difficulty swallowing)
13. Kamsung ah a na (a san ahkl a kang) a po hiam? (Red or white patches or sores inside the mouth)
14. Na ci a na pahpah thei hiam? (Repeated infection)
15. Na aw a heu/hut pahpah thei hiam? (Hoarseness)
16. Niin pai hun hilo in siluangna (ahk) niinkang paina a om hiam? (Unusual bleeding or discharge)
17. A omsa civom leh siklikte a ngeina bang hilo in hong ki khel a om hiam? (Obvious change in mole and wart)
18. A thu omlo in sisan hatloh natna na nei hiam? (Unexplained anaemia)
A Tung a te bangin na thuak a om leh zato ah limtakin kivelsak ding kisam hi.
