SEM LEL IN
Agelh ~ CK Khai
Niangtui sai neipa kiang ah uino khat hong pai in, tua uino ngawng tungah laidal leh sum kihen khawm hi. Uino in sai neipa va naih in a ngawng tunga laidal a lah ciang, sai neipa in laidal en in moh khat leh niangtui haikhat parcel tunsakin angawng tunga sumla in, a sumval te ui’ ngawng tung ah hensak kik hi. Ui nei pa in zingsang kiallap ding moh leh niangtui lei a, a na sawl ahi hi.
Sai sunga kiallap ne atu papi khat in hi zah a ui pil van lei thei khat a muh teh tua ui pakta in a deihna hong khang semsem hi. Bang hang hiam cih leh tua papipa in tanu tapa nei lo in a zi lah tek mahmah ta a hih manin, tabanga, a neih ding leh a sawl tangzang ding in tua uino deih lua ahihman in, tua uino sai pan hong pusuah teh a nung pan zui sim hi.
Tua uino pen mawtaw khawlna (bus stop) ah, hong khawl in mawtaw pai tampi lak ah amatuan nading pen ngak ngiungeu in a om, papipa in a muh teh pil sa semsem hi. A sawt lo in, mawtaw (bus) khat hong pai in uino kah to a, papipa in zong, zui sim hi. Tua uino in... mawtaw nungzuipa kiangah pai in, a ngawng lak leuleu a, mawtaw nungzui pa in a ngawng tunga sum la in laidal en kawm in uino pai nading mun ciang, ticket khat ui ngawng tungah koih sak leuleu hi, a zekai lo khat in, uino in mawtaw nungzui pa kiangah va naih in, a mei tawh a khe na sat seuh seuh hi, a tuah nading mun tung ding hita a hih man in a va ko a hihi. Papipa in tuateng hong muh tohtoh teh lungkim semsem a, uino nung zuisuak in amah zong tuak khia hi.
Tua uino pil, inn hong tun ciangin, inn mai a, kong khak tunga om "bell" mekmek hi, a sawt lo-in a pu, inn nei pa in kong khak hong hon khit bek in a tak lam a, a tawi ciang khat tawh apahtak huai mahmah tua uino pil pen sat ziahziah mawk hi. A uino ham in kap in hong maisak o cihnadan lim tawh a pu khe bul ah va kawi in a mei tawh va noh bawl hi, a nung pan a, a zui sim papipa in tel zolo hi. Hi zah a thumang inn tun teh sat thuak, a hang thei nuam a hih man in ui nei pa kiangah hi bang in gen hi...
“Na ui in moh leh niangtui lei hi Mawtaw tuang thei hiSum val te a kim in hong pua hi Kong khak bell tum thei hiHi zah a pil uino banghangin, inn tung phet, sat mawk na hiam” ci-in dong hi.Ui nei pa in, “Sat mah lo ding maw, tawh pua a ka sawl, a tawh na pua leh kongkhak bell mek kul lo in hong lut thei ding” nacih sanziau hi. Tawh a puak manghilhna lel tawh uino in sat na thuak hi.Na thumannaNa cihtaknaNa sepnateKi dawk zolo zahkhop dingin khat vei khialhna pen a gol lua hi lo zaw in na mawhna a zongte in na hoihna sunsun te phawkin nei nuam lo na hi zaw hi.
Tua manin lai siangtho sungah hibang in na gen hi.
Col 3:23 mite na sem in ki ngaihsun kei-unla Pasian na sem in ki ngaihsun zaw un, na sepna peuh ah lungsim takpi tawh lawpin sem un.
Mite'na sem in ki ngaih sun leng lawp na ding om ngei lo a, Pasian nasem in kingaih sun theileng a nuam lo pen khat zong lawp huai pen suak thei hi, mi tungah kinga het lo a, Pasian tungah kingak ding a hihi.
Ahoih na sep laitak, mite in mu nuam lo, en nuam lo, hong pahtawi nuam lo uh a, nasep zawh loh hun, nasep theih loh hun leh na sih nungah hong kiphawk pan in, sihvuina bulletin tung khawng bekah hong kipahtawi pan zel lel ding hi. Hi mah hen, lungkia ken, SEM LEL IN. Thaman pen mihing piakte lei ah bei a, Pasian piakte lei pan van dongah kikhom hi.
Mi pahtawi ding lunggulh man bekin, na sep leh na lungkia dinga, lungkia hetlo a, na sep teiteina pen Pasian deihna hi.
Likes na deih man in Facebook ah man post na hi kei a, nang account pen suakta tak in na zat ding nang thu neihna a hihi.Mi khat i hawmthawhna tawh na hoih khat sepding na khawl sawm pen sila kisa na hiam? Na sep ding na TAVUAN, hong ki mawh zon ding mite tavuan. Ciang khat tawh uino a ki dawn laitak in a nungah a pakta khat na om veve hi.Mi khat hong telkhialh manin na nasep khawl san ken.
Leitungah telkhialhna mawh sakna a thuak ngeilo mi na muh ciang na khawl pan in. Mi hong gensiat ding na ut kei leh mi nung ah na om kul a, mi mai na din nak leh hong kigen sia ding cih phawk in.
Banghangin lungkia ding na hiam, na zawh dong SEM LEL IN.
"Na mawhna hong kizon leh zonzon kul dinga na hoihna tampi inna tuamcip cihna hi."
Source:
https://www.ckkhai.com/post/sem-lel-in
Laibu Saal / Zomi eLibrary
