Tui Bua Sa Ki Luakkik Theilo
(Sex Education Taangthu tom.)
[Pak Hoih] “ U Dim..U Dim kong genop khat.”
“ Ken lawm ngaih nei ta hi veng..” [Pak Hoih]
[Dim No] “ E.. Hi vial maw!”
“Hong lak dih ve leh nau..ih en deh”
“Kua ai hia? Koi pan ai hia?”
[Pak Hoih] “ Hiah en o U Dim…”
Dinsa a akizaih tangval khat man lak hi.
[Dim No] “ A lai sai! Sialo pi, hoih peuh mah ei!”
[Pak Hoih]“ U Dim nang dan a bel Nu ngak pi sep sawm vet keng.”
[Dim No] “ Hi se vial maw”
“ Amin bang ai hia? Bang sem ai hia? Koih ah om e?”
[Pak Hoih]“ hi hi hi…”
“ Tua te bang mah thei se lo, a min bek thei”
[Dim No] “ A min e bang ai hia leh?”
[Pak Hoih]“ Suan pui ci zen ei, Thang Suan Pui”
[Dim No] “ No ki koi cih theih e?”
[Pak Hoih]“ Ta lawmlawm…. U Dim mahmah”
“ Tua hang a Nungak pi asuak nai ve.”
“ Tu hun pen Online hun ai ve U “
“ Online pan ki mu e.”
[Dim No] “ Ee.! Tua maw lawm ngaih na cih.”
[Pak Hoih]“ Lungnopna pong hi e”
“ Online pan lau huai kei e., kiho zel, marn ki khak zel cih ciang bek hi, apua a lawm kingaih sang zong muan huai zaw lai.”
[Dim No] “ Thei zo nawn khang ei,, No hun bel lamdang sang’n tel zo khang”
“ Lau huai lahna omlo ai maw.. Ki dawm veve o”
[Pak Hoih]“ Cih zawzen cia U Dim aw..”
[Pak Hoih]“ Ahi lolo ngaih sun in lung khamkham, alau huai ding te thei peuh mah ing ei..lung nuam o”
Tua bang in a U Dim in anau Paak Hoih a thuhilhsa te angaih sutsut lai tak in….
[Man Sian]“ Dim no! Dim no!” ci-in a vengnu Man Sian sapna aw hang in hong kilat vat hi.
“ Dimno! Galkap te hong pai thu hong dotnop om ci.”
[Galkappa]“ Hih Diary pen na nau a maw en dih!”
“ Paak Hoih ci a ki at ai ciang a”
[Dim No] “aw hi mah in cei lungdam sing e..”
“Ka nau ka phawk mahmah laitak hiven”
Dimno zong khitui naptui tawh a nau diary laibu hong lem hi.
Diary laimai masa ah-
Tuni Facebook zat kipan
Profile marn ka suan lian leh mi khat in hong add
Ka lawm masa pen aihcia lungdam tak aa sang
Account min bel tuam peuhmah Suan Pui ci
U Pui tawh ki theih zawh sawt tektek ka ki itna uh hong khang tektek mawk
FB tung ah bangman bangman ka suang zong like hong piak sak den.
“Ka hoihna” ci-aa marn post leeng, hoih kei ta leng “ Sih hoih teh. Hoih lua teh” ci a Comment hong pia den.
Nek theih tuamtuam Post a, “hong nek pih vevua” ci leng lah “Limtuak si e, hong ne phei ding kai” ci a comment hong pia den.
Facebook kam tawh gen leng bel “ever like” “ever Commenter” cih ding hi.
A pua ah ka muh ngei loh hang, ka lungsim sung ah ka itna hong khang tektek.
U pui pen asiangtho angaih bang, tangval mel hoih mahmah khat hi in teh ci-in ka ngaih sun.
“Tuni ka innkuan pih te tawh kitawng”
“feeling sad” ci a adang bang mah at tuanlo a ka post leh.
Ka at khit phet lian a, message khat hong lut, U Pui kiang pan.
Message
[U Pui]“ Dam maw, Naunau”
[Pak Hoih]“ Dam mah in ei U Pui”
[U Pui]“ Bang lungkhamna nei na hia?”
[Pak Hoih]“ Ka innkuan pih te tawh tuni ki lemlo kai ciang a”
[U Pui]“ Siangtak in hong gen sin aw, Nu le Pa te akhial maw, Ka naunau akhial maw?”
[Pak Hoih]“dih zen cia, kua mah akhial om kei”
“ Kitheih khialna pak om ai ciang a..hi e..”
[U Pui] “ aw..aw..ka lungnop lo ai ciang a, hong dong hi-ing e..”
“Bye..Naunau.. Lungnuam in om o maw..”
[Pak Hoih]“ aw leh, lungdam ei U Pui..”
U pui in hong Out san ai ciang a, ka gennop tam ngel mah hi ven, gen kha lo kai ve.
[U Pui]“Zingpha Naunau..”
[Pak Hoih]“aw…nang zong... U Pui”
[U Pui]“ Kong dotnop khat om”
[Pak Hoih]“Gen ve”
[U Pui]“ No lam ah Inn leh Huang a zuaknuam na theih aom hia?”
[Pak Hoih]“ hmm!. Om kei, bang hang in maw?”
[U Pui]“ Ka sum uh val pian ai ciang a, lei leng ahoih tam a ci, Inn le Lo man hong hoih semsem tawh”
[Pak Hoih]“ale..ale.. Mi hau pi nai ve maw..NSL”
[U Pui]“ Tua dan liang hi kei e.. Saang Tulkhat khawng bek hi ka neih”
[Pak Hoih]“Ala..Ala.. Tua zah nei in mihau hilo maw le”
[U Pui]“ Ciam nuihna hi e..Nau..”
[U Pui]“ Kei hauhna hi kei, Ka nu hong nusiat Go le Gamh te hi”
[Pak Hoih]“aw.. aw..hi maw.. ka theih aom leh hong gen ning maw U Pui”
[U Pui]“ei..ei.. ci phot ni maw.. Naunau”
Eh! U Pui bel mihau pi khat ai mawk ve.
Tua dan teng tawh U Pui tawh nisim ka ki hoho ciang..
Itna hong khang semsem a,
Mi khem peuh Itna tawh aki muh uh ciang in Lakam at siam hong suak uh hi, acih mah bang in
U Pui aa ding;
“ Itna Khaugui.
Kua suan hiam?
Vang nei mahmah hi,
Itna le ngaihna kigawm
Kua man ken zo kei
Itna khau gui-in
Hong vial zo
Ki sutat zo nawn kei.”
Mite’ gengen, mite’ at at itna ngaihna thu ken tun sinkha ta ing.
[Pak Hoih]“ U Thang Suan Pui”
[U Pui]“ Ei.. Paak lihliah, Hoih lihliah”
[Pak Hoih]“ Haita maw, sisuk ve”
[U Pui]“Si nuam nai peuh mah keng ei, zi nei nuam lai ingi”
[Pak Hoih]“Tek kei ta a, lawm ngaih na ngawn muzo nai lo maw?”
[U Pui]“ Lawm ngaih ih cih bang hiam zong thei zo khang ei”
[Pak Hoih]“ Na mel sia lua ai ciang a, hi ding ai ve hihihi”
[U Pui]“Tua dan hong ci vial maw… Ka marn na en o”
360 camera tawh aki zaih marn khat akhak hi.
[Pak Hoih]“ hee…. Korea Minta mahmah bang hilo maw”
“ Lawm ngaih nei lo cih bel up huai kei lua ei”
[U Pui]“ Ka takpi hi ei, naunau aw nei kei takpi ing”
“ Ni dang bel mikhat ngai ngei mah hi veng, ken ka ngaih mahmah hang….. aman hong nusiak mawk”
U Pui thu ka theih semsem ciang, ka heh pih tha hong suak zungzung hi.
Tuni facebook ka zat zawh kha thum bang hong cing keii ta.
U Pui tawh zong, ka lungsim uh ki nai semsem.
U Pui thugen te zong nidang bang nawn lo-in, itna thu zong hong kihel pianpian ta.
[U Pui]“Naunau na phone nambat hong pia ve….”
[Pak Hoih]“Na bang ding?”
[U Pui] “Ih ki theih zawh zong sawtta aa, na aw ih za nuam ve , maw Nau ..”
[Pak Hoih] “Aw..09……………..hi ei”
[U Pui]“ phone kong sam zel thei dia, ngah mah mate”
[Pak Hoih]“ Aw .. Ki ngah mah ei U Pui”
U Pui kiang pan sapna phone hong ging kelkel ding ka ngak simsim kha hi.
“ Keleng…Keleng…Keleng…”
[Pak Hoih] “ Halo”
[U Pui]“ Kong gennop khat om Naunau”
[Pak Hoih]“ Gen ve U Pui”
[U Pui]“ Heh thei lo maw”
“ Hong mudah kei o maw”
[Pak Hoih]“Aaaa……. Muh dah lo e, bang hang a maw?”
[U Pui]“Kong gen khit ciang , nidang dan mah in hong hopih o maw,, kiphasak kei o maw.”
[Pak Hoih]“Awww… Lungnuam o , gen o..gen o..”
U Pui in bang hong gen kha tam ci-in, ka lungtang hong ki nawhsai lua.
[U Pui]“ Hong Ngai-ing, Naunau aw..”
“ A taktak in kong ngaih zawh sawt mahmah ta, na Profile Marn ka muh tung pek pan hi.”
“ Ka cih tak pi hi naunau, hong khem vet keng.”
“ Na mel kong muh bek zong ka lung nuam tuam”
“ Na marn post khem peuh, ka phone sung ah kem in, na enen ing.”
[Pak Hoih]“Hinn…Takpi maw! U Pui”
[U Pui]“ Ka takpi hi veh aw Naunau aw”
“ Mideih loh kei ading itna, ngaihna haksa sa ing, Lau ing”
“ Nang kong muh ciang, ka launa bei in, ka lungtang hong nungta kik hi.”
“Nong ngai zo ngiat kei zongin, kei tawh ki gamlat ding hanciam kha ken aw Nau….”
“ Hong thum ngeungau ing”
“ Hong sang in maw.. Nau”
[Pak Hoih]“Innnn… Hong ngaihsut sak ning maw.”
[U Pui]“Aw.. Limtak ngaih sun in maw.. Kan tawntung a ding ai maw”
[U Pui]“ Hong ngai kik tak pi o maw”
[Pak Hoih]“Ala..Ziauziau.. Nang thu bang a.”
“ Tua banga nang thubek thu na sak leh hong kingai lo ziau ding ai maw”
[U Pui]“Aaa..Aaa..tua ci kei o… Hong lam en ning maw”
“ Hong ngai lua ing ei..Naunau aw…”
[Pak Hoih]“ Thapai cei..”
[U Pui]“ Hong ngai lua kai ciang aa.. ave.”
[Pak Hoih]“Uang Sang!”
[U Pui]“ A special mahmah in hong ngai-ing”
[Pak Hoih]“ Hi thei sa keng na uat daan bel…, tua zah maw tua zah maw”
Internet ka khak dan mah bang in ka lungtang kikhak thei leh hoih mah ding hi ven, ka lungtang kinawh sai lua ai ciang a..
[Pak Hoih]“ Hong ngai-ing U Pui..”
[U Pui] Wowww!.. Takpi maw”
[Pak Hoih]“Imm…. Tak 1, Tak 2, Tak 3…..Tak Infinity khikhikhi”
[U Pui]“Na takpi maw ka ci..”
[Pak Hoih]“ Takpi ka ci..”
[U Pui]“Ha Ha Ha… Nak nuam pan ei..”
Phone khat hong lut lian hi.
U Pui kiang pan.
[Pak Hoih]“hinn..abang online pan kong gen khin ve?
[U Pui]“Ngah lo e, na aw khum ngaungau mah tawh za nuam kai ciang a”
[U Pui]“ Nong ngai na Nau.,”
[Pak Hoih]“Bang zah vei hong dong ding na hia?”
[U Pui]“Ka sih dong,hehe”
[Pak Hoih]“Na nuntak tawn tung hong ngai takpi ding mah maw le?”
[U Pui]“Ni dang zong hong ngai, Tun zong hong ngai, mailam ah zong hong ngai, a tawn tung in hong ngai”
[Pak Hoih]“ Uang sang, duatduat zawzen”
[U Pui]“ Ka ngaih luat man hi e, Nau aw boih aw”
[Pui U]“Nong ngai tak pi na Paak Hoih”
[Pak Hoih]“ Hong ngai lua ing ei U Pui” ka cih khit caing phone ka khia vat theih hang, aki saisai ka lungtang kikhawl sak thei tuan kei..
Tua bang in message kikhak phone kiho in, huih lakpan ki-itna tawh ka lung kim mahmah hi. “Lawm ngaih hih zah a nop lam nidang pek a ka theih tak in”
“Cik!.. Ka hun pam maih si..”
“ Hi hi hihi.. Tua ka pau teng ka U Dim in za lah hong kiu nuam si in teh”
Ka kingaih zawh uh Kha thum a cinni ka U kiang ah gen sawm pan in.
Tuni pen ka kingaih zawh uh kha thum acin ni, lawm ta ka hih zawh uh kumkhat leh kha khat cin ni ahih man in zing tungtung ka u kiang ah ka gen pah hi.
U Pui marn lak in ka lawmpa hi ci a kagen a leh,
“amel ahoih ngel ve a pua ah na mu ngeina” cih ka U Dim in hong dong.
“Mu ngeilo e, Online Lawmngaih ai ve” ka cih le Ka U Dim in lamdang sa lua.
“ Kidawm o maw, Kidawm o maw” Deihsakna tak tawh hong ci ngaungau ka U Dim in.
“ Online lawmngaih cih khit nungsang, Lau huaina om kei “ ka cih leh Ka U zong alung nuam pah.
Na sep hangin khual a zin pahpah ka U Dim.
Kha khat khawng khualva zin ning, lim tak na om in hong ci hi.
U Dim apai zawh asawt lo-in, U Pui in phone hong set hi.
[U Pui]“ Naunau.. kei gamdang ka pailoh phamawh ding”
“ Ka pai ma hong munuam taking ei maw..”
“A pua ah khat vei ih ki mu dia..”
Tua bang in U Pui kiang pan lam et hetloh thu ka zakvat ciang ka dah mahmah hi.
Dah mahmah ka hih man in..
[Pak Hoih]“ Aw.. hi mawk maw”
“ Na pai ma khat vei ki mu leng ai ve”
[U Pui]“Mitam lohna, nuam tak ih ki ho theih nading mun khat ah cileeng aive’’
“……..mun ah hong pai hamtang oo maw Nau, Maw….”
“Hong lamen ning ei…”
“Ka khualzin ma hong munuam lua kaih ciang aa hi”
[Pak Hoih]“Aw…Hong pai mah ning ei U Pui”
“Tuni bel sep ding neilai kaih ciangaa hi”
“Zingciang ki muni maw U”
“Na ngak in aw..”
[U Pui]“Hai ngak theingak bangin zingciang hong tungding na ngak tentan ning ei leh Nau…”
[Pak Hoih]“Awaw..”
Zing tuung ka thawh phetin ki sil semsem in U Pui tawh ki muh ding ngaklah tak in ka pai pah va val hi.A mun ka tun ciang kuamah omlohna munkhat na hi hi.U Pui zong kei hong muh phetin a tutna pan hong taiphei-in nakpi takin hong angpom hi. A sawtlo in ki gamla ding cih ngaihsutna tawh hong kawinate,hong napnate ka nial kei hi. Tua pan damdam in hong zut tak ciang “Khawl phot oo..U” cin aw nem tak tawh ka kham hi.
U Pui in zong hong khah pah aa, Ka liangko tungah a khut nga-in
[U Pui] “Hong ngaiLua ing Naunau..”
“Hong ngai lua mahmah ing”
“Ka khualzinna ah kum khat bang sawt ning”
[Pak Hoih]“Eh! Kum khat tak maw U?”
[U Pui]“Hi zen hiven…”
“Tua hang hi hong maisak oo maw Boih”
“Nong neu muh lua na Nau?”
“Na heh mahmah ken maw…..”
[Pak Hoih]“Heh keng ee U, Lungnuam oo”
[U Pui]“Na heh kei takpi leh Nau, khat bekbek hong ngen nuam ing”
[U Pui]“Khat bekbek hi Maw..Nau …maw maw”
“ Mun khat ah hong paipih nuam ing, hong zui oo maw”
Ka lungsim tawngin bang a gennopna hiam cih thei napi-in
Den in hong zut hong nap na hangin a ki nawhsai ka lungtang
Ka kemzo kei hi.
Tua bang teng tawh Hotel khan khatna ka tung khawm uh hi. Lupna tungah khat leh khat ki maingat na pan…………………………………………………………………………………………
Vai khempeuh man zawh ciangin gim lua ka hih man un ka ihmusuak uh hi.
Ka khanlawh leh ka U Pui ka gei ah na omlo hi. Zanin thupiangte ka ngaihsut ciang ka it mahmah ka U a hih manin ka hehzo tuan kei hi. Zingciang ki tenna letmat bawl ding a cih hiven koi-ah pai pak aitam ci-in lupna pan ka thawh khiat laitak kongkhak damdam in hong ki hong hi.
[Pak Hoih]“U Pui..Zingkal pha maw”
“Koi ah va pai zalzal na hia”
Haaa…theih ngeiloh mi khat
[Pak Hoih]“Nang banghang hong lut na hia?”
“Pusuak!Pusuak!”
“Ka U hong tung leh hong that ding aimaw”
[Pum Kap]“Damdam in ee….melhoih nu…”
“Nang sum tampi pia aa kong leisa hilo maw!”
“Banghang hong hawlkhia dihzen na?”
[Pak Hoih]“Bangteng ee!”
“Mihai”
[Pum Kap]“Na it mahmah,na ngaih mahmah na U in kei tung hong zuak aive”
[Pak Hoih]“Um kei lua ing”
[Pum Kap]“Nang hong ngah nang sawtpi hongngak hiven , nopsa ngello dia”
[Pum Kap]“Na U sang kei siam zaw lai ing ei”
“Pai oo pai oo”
Ka thaneih zawh zahin ka ki pekkhiat hang……………………………….
Khitui naptui tawh lupna tung ah lum dikdek ing…
Tua pasal pa (Pum Kap) in a puante a silh kawmin
“Hei, nang nu tu aa thupiang na utnana ah khia oo”
“Na khiat nini den aa thupiang teng vedio, online ah mu ni cei”
“Na hih ngam leh hih le ci aive HAHAHAHAHAHAHA”
Nakpi tak nui-in pusuak hi.
Kei nu man taktak ing.Ka nuntakna ki siacip hi ci-in na ka sa mahmah hi.
U Pui aw..nang tungah kong muangna te hong lehzat sak taktak cei maw
Ki awi taktak cei maw U aw…
Kei hong zuak zawzen …A hi mah maw…Um zo vet keng
Nang na omloh kal hong ki simmawhna pak hi.
Hong ciah in hong tenpih in maw U
ci-in message khak zel, ph ka sap zel hang hong ki dawng mahmah lo hi.
Kum khat val ka ki theihna ,ka itna,ka ngaihna te hih bang tuak nading hizen maw ci-in na ka sa mahmah hi.
“Ki awi taktak cei maw….Na taktak ei…”
Ka khitui kham, ka lungtang khauhsak in , ka neh pet liangsa in hawi veivei kawm inn lam zuat ding ka hanciam hi.
Inn ka tun phetin ka khan kongkhak kalh cipin ka thaneih zah tawh ka kap gawp kha hi.
Ka pumpi khempeuh ki lawngthei lo zahdongin nacip mah taleh ka lungtang natna ban zo nai tuanlo hi.
Ka U Dim lah khualzin sese,ka puak lungkhamna ko nuam tak ing ei maw…
BangBang hi leh hong it mahmah ka U Dim ka khualna in ka nuntak loh phamawh hi.
Abeisa hunte mangngilh bawlin thasan in hanciam ning ci in ka khentat laitak
“Kaling Kaling”
Ph khat hong lut hi.
“Halo”
“Melhoih nu zankhat bangzah na hia?”
“Bang ee tel kei sing!”
“Hua vedio sungah nungak nu hilo na hia?”
“Limci lua naihcia ph kong sap hi”
“Na deih zahzah hong ngen oo”
A liing keuhkeuh ka khut in ph nangawn khiat ding haksasa kawmin ka khia hi.
Ka khut bek hilo ka pumpi khempeuh ling keuhkeuh hi.
Den aa ka thasanna te a mawkna pi hi.
Hong maisak oo U Dim aw….Hai lua ing…Hai lua ing….Na nau Pak hoih hai lua ing….
Dimno zong ki ip zolo in a thaneih zah in hong kap gawp hi.
A gei aa om touch ph hong en gega in
A thaneihzah in a lei denna khitteh a tuancil gawp lai hi.
Kamtam hong pau zolo aa
“ Ph!Ph! ih cih nungakte sihnang gukhauh pen maw?”
Tua thu a piang ni-in, Pak Hoih’ lawm CingCing hong hawh bilbel aa
Pak Hoih a lupna khan sungah a khut dawh ki at sa-in ci leh nai tawh ki vung in a om lam a muh ciang Galkapte ko pah aa, a U Dim zong kha khat kiim khualzin ding kimlai a nau thu a zak ciang inn hong nawh delh mahmah hi.
Tu laitak a ki limzat mahmah Touch Ph;
· Hoih mahmah hi
· Ki zang thei mahmah hi
· Aih hang lau huai hi..Hong sisak thei hi…
Mimal kimciat ki dawm tek ni…..
Deihsak na tawh
Taksin Thu
Ref ;
ပြင့္ေၾကဖတ္ေႂကြ
******************************************************
Zomi eLibrary / Laibusaal in hanciam in akigelh ahi hi.
