NA ZI VIRGIN SAK DEN IN
Agelh ~ TT Nu
Virgin cih pen mikang kammal hi-in nu le pa kithuah na sex zang ngei nailo cihna ahi hi. Eipau in kammal tuam neilo ih hihman hiam virgin mah ihci lel hi. Ahi zongin a khiatna namnih in ihzangkhawm dingtawh kibang kasa hi. Khatna ah pasal tawh lumkhawm ngeinailo nungak cihna leh nihna ah tuabang nungak va kithuahpih, va luppih, sex va zatpih or va ciap masak a nopdan gen na in zong ih zang ziau hi. Ih thulu ah anihna zui in kong zang hi.
A hihleh virgin nungak khat va ciap masak pen bangci nop diak se ahi hiam? Pasal tampi in avang kol nailo ahih manin kigak diak, nopdiak hi ci-in ngaihsun uh hi. Avang neu zaw diak takpi mah ahi hiam? Numei van pen nin a neihtheih, anawngkai kipat a kipan pasal van bek hilo in naungeklu nangawn a thawl ding in Pasian in abawl kimciat ahi hi. A neemthei, a khauh thei, a gaapthei dinga buangnai nampian a abawl ahi hi. Tua ahih leh virgin nungakte banghang in kigak diak se hiam?
1. Nungaknu’ uukna (huukna) kahbaih ahih manin a numei van na golhpah a na gakpah bikbek hi.
2. Pasal pa’ lungsim ngaihsutna ahihkei leh a lungkim na in a kigak diak sa sak hi.
No.1 na tawh kisai kikum masa leng numei leh pasal omkhop, sex zatkhop ding ciangin nopsakna or uukna (huukna lanna) damdam in kah toto in, a omkhop uh zui in a tawp a tun hun omciat hi. Tua atawp a tun hun ciangin a nopdan thuak hak mahmah hi. Nuampha mahmah cihna ahi hi. Tuapen pasal te tungah kilang diak a, a pasalvan akhauh penpen hun zong hi-in bawtui paikhia in aman hita hi. A lanna teng bei sukpah in a pasal van zong thanem pah a, bangmah tangthei nawnlo lel hi. A tawlnga hita hi. Mi a tamzaw in tua pen pasalte bek neih or ngah sa kha uh hi. Ahang in numeite in tua bang hun a tun ding haksa bekthamlo in muhtheih in a kilat na omlo ahih manin amah leh amah nangawn in thei tuan mel lo thei hi. A thei tuan mello a tamzaw in a ciamkha man ngeilo na hi gige thei lai hi. Pasal nei gigu napi a khantawm in a theikhalo, a ciamkhalo om theilai dinghi. A taktak in numei te in zong tua atawp a tunhun nei uh a atui zong pai hi.
Numei leh pasal pen ih pianzia kibang hetlo hi. Pasalte pen uukna kahbaih mahmah hi. Numei melhoih a sak khat uh a gal muhbek uh tawh zong thuakkhop a nei thei uh hi. Numeite leuleu ciangin a maizum diak nam ahihmah bang un suakta tak a uukna akah ding hamsa ahih manin a tawp a tunding zong baihlo hi. Theih huai thukhat leuleu ah pasalte pen a uukbaih mah bangin a tawp zongtung baih in a tawp a tunciang in uukna a bei hita hi. Amah manta hi. Numei te pen tuabang hilo in a tawp a tunding a haksat mahbang in a tun khitleh kiapak lo leuleu a tua nopna tatsat lo in kimawlpih zo hile cin ahu beilawh dongin nuamsa suakzo, thuaksuak thei uh hi. Atawp a tun teh manta hilo in nopsakna taktak kipan pan hi. Pasal in akhawlsan ciangin damdam in kiakia pan bek hi. Khatvei lai in nupa kopkhat or lawmta khat in sex zat a sawt zangzo pen hihna tawh minthang nuam uh ahih manin zatui tuamtuam zangin a kisin uh leh zatui tha tawh ahih manin nai tampi sung mah zomsuakzo sam uh hinapi khawl man nailo, tawlnga man nailo in a numei nu anuntakna beilawh hiau kici zen hi. Numei pen ama utna kihel lo a buanna bekthamlo in ama lungkim na tawh zong kilulum zo cihna ahi hi. Tua ahih manin numei kizuak khat in hunkhat sungin pasal nihlehthum lungkimsak thei uh hi.
Ihgensa mah bangin Pasalte sangin numeite uukna kahhak zaw ahih manin numei pen lungkim sak mahmah phot or noh masak ngai den hi. Numei khat leh khat zong uuk na huukna kikim lo bek lo in mikhat bek zong a hun zui, a kum phazah zui leh a lungsim puak zui bek in zong kilamdang mahmah hi. Virgin nungak kigak diak ahihna ahang gen nuam ih hihi. Virgin nungak in pasal tawh kithuah ngei nailo, a theihcil na ahih manin a uukna kah baih a avan golhpah ahih manin a gakzo diak bek tham lo in pasalte man ma lap zawdeuh hamtang cihna na hi gige lel hi. Virgin tektek zong a mi pianzia zui leh sex na zat khoppih ma-a na lungkim sak zia, hun na piakzia, na noh man leh noh manloh zui in kilamdang lai ding hi.
No. 2 na zomto hileng- A tunga ihgensa thu teng tel kimlo uh ahih manin pasal pawlkhat in virgin ciam a hihlam uh thei lo uh in na virgin kei, keitawh ih kithuah ma in pasal dangtawh na omkhawm ngeikhin ngeingei ding hi ci-in pum mawhsak mikmek thei uh hi. A ciamcil pa kiangpan tuabang kammal a za numeite laitang na mahmah uh hi. A taktak in cileng uukna kah hun kituaklo hi lel hi. A va buan ngiat nahihliang samloh hang in numeite uuk taktak hun nangak zawh kei leh a tui kai in anal khop ciangtawh kigak ngeilo ding hi. Tua tawh kileh bulh in virgin nawnlo numei khat ompih hi napi uukna kahdan kituak ci ding hiam ki thatuak cidinghiam gak sa khop ahih manin virgin ciamcil kisa a lungkim khop mahmah pasal zong om taleuleu hi. Tua hi a pasalte in zi a zon uh ciangin nungak virgin mah ka deih a cih tangtang uh hangin a pasal van tung uhah zi virgin leh virgin lo theih tel na tester kit kithuah peuhmah lo hi. Khanglui lai in sente in delhphah kang sitset phahsak in zan masa in si a banleh banloh tawh thukhen uh kici a tuhun ciangin kisang zo nawnlo hi. Ciapcil khempeuh in si luangsak khin lo ahihlam ki thei ta hi. Numei khat virgin leh virginlo cihpen amah leh Pasian bek in thei a, midang khat peuhpeuh in a theihpih nading in zato siamte sit tel kisam hamtang hi.
Gennop bulpi ah na innkuan sung na nupakal anop theih nadingin nazi tawh sex zat pen a nuamtheipen ding hanciam den in. Pasal pawlkhat te in a zi or a kithuahpih numei in nop asak nading lunggulh natawh apasalvan tungah kisamlo pi in vanval (akual nono, abawk tuamtuam) thuahbeh thei uh hi. Thei taktak uh hileh kisam hetlo hi. Numei van’ asunglam (internal wall) pen aneem mahmah anel (soft) mahmah ahih hangin uukna a om ciangin pasal van akhauh mahmah agawt mahmah zahkhat in numeite van zong a kisal theiding, agaap mahmah dinga Pasian in abawlsa ahi hi. Uukna atawp a tun taktak ciang in asunglam sa(muscle) teng hong gaap in cial nei laizen a, ham phial mawk hi. Tua tawh kinawt leh vanval dang kisamlo dingin akual tampi kithuap bang teekteek in gial nei to ditdet a, kisuuk in cip mahmah ahi hi. Tua hun ah thunpan theileh nuam penpen ahihlam pasal tampi in theilo uh hi. (Theihding- tua zah a gaap a, khauh a, acip hunpen uukna atawp atun ciang hipan hi. A tawp ahih hangin ki nawk paisuak peuhleh a nawkpen a khawl masiah kiapak lo in gak den thei leuleu hi.)
Tua ahih manin zansim in zi virgin khat ta na khek theihloh hangin zikhat na neih sun virgin den dingin na bawl thei hi. Virgin bangsak den thei na hihi. Dr. JM Paupu in nupakal nopna pen lupna tungpan kipan a, lupnatung nopna pen sun a na lai khak kiau pek pan kipan khin theihi cihi. Sun a na message khak khat in zong na zi lungkim saktuam ahih manin zan ciangin a kamlim tuam cihna ahi hi. Kampau tawh lungkimsak bek hilo in cilehsa ki khoihkha ngiat ding zong thupi hi. Sex zat ding nalunggulh hun ciang bek hilo in zingkal nitakkal ah zong itna khutdam tawh len in pomzel, zawt zelzel in. Tua te in lupna tung ading ankam limza hi gige hi. Na kam uh lim leh na ihmut uh nuamdinga, na nupakal uh nuam in angkawmzi, angkawmpasal tawh na kipelh thei ding uh hi.
Source:
TT Nu Facebook
https://www.facebook.com/profile.php?id=100082438883799
